واجب ،، واجه نفسك ،!
مررت مضيعة واجب “ نشر الغسيل ” كما سمته ،، مع أنه لدي صفحة نشر غسيل already 
،،
جاء الواجب أيضاً من المدون العزيز رادار ،، وعنونه بالوجه الآخر ،،
بصراحة الواجب يبيله قعدة مع النفس ،، تعرفون علشان نطلع العيوب ،، لأن عيوبي لا ترى بالعين المجردة ولله الحمد 
،،
بسم الله :
1- من أحد أكبر وأكره العيوب عندي ،، إذا أعجبني شيء أدمنت عليه ،، يمكن فيه غيري عندهم عالعيب ،، بس أنا أقعد على الشيء لين يعجبني غيره وثم أدمن عليه بعد ،، مثال ،، أول كنت طايح في البيبسي ،، علبتين أو ثلاث في اليوم ،، واستمريت لمدة سنتين تقريباً ،، لين جربت الكوكا الزجاجة ،، ونفس الحالة إدمان عليها وكره للبيبسي ،، الآن تركت الكوكا وطحت في البيرة ،، هولستن فراولة تحديداً 
،،
نفس الشي مع وجبات المطاعم ،، جاتني فترة كل ليلة لازم زنجر من كنتاكي ،، ثم بعدها حولت للتويستر ،، ثم قلبت إلى الكلوب هاوس بتاع الأرنب الجائع ،، وبعدها لوجبة الرويال ،، طبعاً كل واحد فيهم أقعد معاه شهرين ثلاثة وأكثر ،، لين أجرب شي جديد وأدمن عليه 
،، وهالحالة مب بس مع الأكل والشرب ،، مع كل شيء ،، يعني لو يعجبني جهاز إلكتروني أو جوال ،، أقعد مستانس عليه وودي أشتريه بأقرب فرصة وما أشوف شي أحسن منه ،، وعلى هالمنوال ،،
.
أتوقع يكفي هالعيب حق اليوم ،، ولا خلونا نكمل ،،
2- عيب آخر قوي عندي هو الكسل والتسويف بشكل غير طبيعي ،، يعني لو أنا جالس على النت ،، ما فيها قومة أبد ،، ولو فيه عندي جلسة مع الشباب ،، أتكيسل أقوم من النت ،، فأسحب عليهم ،، شباب الي يقرأ هالكلام يعذرني ،، لو عندي مثلاً واجب وكنت قاعد أقرا كتاب أو رواية عاجبتني ،، انسى أقوم أحله ،، اللهم باستثناء واجب البرمجة لأنه عالجهاز أصلاً ،، مثال ثالث على التسويف والتكيسل ،، كان عندي موعد مع دكتور الأسنان ،، شيك على بؤي ،، وحط فيه حشوة مؤقتة علشان أرجع له بعد يومين ويركب لي كاملة ،، يوم جاء الموعد تكيسلت أروح وأجلته ،، وقعدت في سلسلة من التسويف ،، لين مرت ثلاث سنوات ،، الحين أفكر أرجع له وأخليه يكمل الحشو ،،
.
هاه يكفي ولا أكمل ؟ أرى أن هالعيبين عن عشرين عيب ثانوي ،، وبالذات الكسل ،، أوقعني في مواقف محرجة وقتلني من الداخل ،، وأشوف أن الحل الوحيد هو جدولة يومي ،، بس حتى الجدولة أتكيسل عنها ،، كل شيء أتكاسل عنه إلا هواي ،، النت والأكل واللعب 
،، حال مخزية ،، خلاص ما أقدر أكمل أنا تأثرت ،،
الواجب ممرر إلى كل من يقرأ ،، حتى إلى القراء ،، إن أرادو يحلون الواجب هنا فأهلاً ،، والأفضل إن كل واحد يروح يفتح له مدونة ،،
أمسيكو بخير 
،،
سؤال اليوم / كم مرة تم استخدام هذا السمايلي () ؟
،،
.
واو ،،
،،
كتبت في هالتدوينة الي ما كتبته في شهرين من الكلام
عبد المجيد
24 أبريل 08 at 7:41 م
اممممممم
عيووب حلوةه
هع
إنتبه على أسنانك
أماني
24 أبريل 08 at 7:53 م
الله يعينك على العيوب .. وان شاء الله تتخلص منها في أسرع وقت ..
قد نشترك في العيب الثاني .. التوسيف والكسل ..
دمت بود
هشام
24 أبريل 08 at 8:10 م
والله يا مجودي نفس الشي معي
أعاني من الإدمان على الشي .. أنا أعطيك مثال .. لو أعجبتني أنشودة أوووووه الشباب راح يملون منها ويطفشون من كثر ما أشغلها أو أرددها هع
التسويف والكسل هذا مصيبة الدهر .. والسبب الإنترنت هع
شكرا مجودي
سعود النعيم
25 أبريل 08 at 1:11 ص
18 سمايل
وش جائزتي ؟؟
mbet0hm
25 أبريل 08 at 1:40 ص
التسويف والكسل
الله يخلصنا من هالعادتين
Gdedouy
25 أبريل 08 at 3:42 ص
يؤؤ التسويف والكسل ..
شئ أعاني منه ..
اممم الاول ممكن تصيبني بس مو بالاكل :هع: إذا صابتني بالاكل تكون على خفيف وبما إني مدمنة حلويات تسير بالحلى و التشكلت بالاناشيد أكثر شئ و أخف منك شوي ..
ان شاء الله نتخلص منها ..
شموخ
25 أبريل 08 at 10:39 ص
ماشالله عليك زوووووووول
وتر
25 أبريل 08 at 1:43 م
جيدة هذه المكاشفة
وياليت تكثر هالواجبات
someone
25 أبريل 08 at 5:06 م
أماني ،،
حلوة جداً
،،
شكراً لمرورك ،،
=-=-=-=-=-=
هشام ،،
آمين يا رب ،،
ممنون لمرورك ،،
=-=-=-=-=-=
سعود النعيم ،،
مشكلة عويصة فعلاً ،، الله يفكنا منها ،،
نورت بمرورك ،،
=-=-=-=-=-=
مضيعة ،،
عليك لمبة ،، إجابتك صحيحة وتربحين معنا واجب جديد
،،
هاه كم درجتي بالحل ؟
شاكر لك مرورك ،،
=-=-=-=-=-=
ابن الشمال ،،
آمين يا رب ،،
سررت بمرورك ،،
=-=-=-=-=-=
شموخ ،،
الله يعينك ويعينا ،،
شكراً لردك ،،
=-=-=-=-=-=
وتر ،،
حياك الله ،، وتعال كل يوم
،،
نورت بمرورك ،،
=-=-=-=-=-=
someone ،،
أبشر طال عمرك
،،
شكراً لمرورك ،،
عبد المجيد
25 أبريل 08 at 9:27 م
ههههههههه
حشوه تاركها 3 سنوات
لالا هذا كسل مطقع P :
: ) ان شاء الله تفتك من هالعيووووب
Exganza
25 أبريل 08 at 11:42 م
إكسترا ،،
شكلك استانست على السالفة
،،
الله يفكنا منها قريب ،،
شاكر لك مرورك ،،
عبد المجيد
26 أبريل 08 at 10:44 ص
“بس أنا أقعد على الشيء لين يعجبني غيره وثم أدمن عليه بعد ”
انتبه تدمن على المدونة وبعدين تتركها
على العموم فكرة الموضوه جميلة.
مدونة قويريات
14 مايو 08 at 7:36 ص
مدونة قويريات ،،
لا إن شاء الله ،، خمول ممكن بس ترك لا
،،
نورتني بمرورك ،،
عبد المجيد
14 مايو 08 at 1:52 م