100 أخيراً + معرض الكتاب ،!
التدوينة رقم مئة ،، كنت أتساءل بعد آخر تدوينة عن إذا كنت وصلت أو تعديت المئة ،، وبالمصادفة اكتفشت ( مقصودة
) أنني وصلت للـ99 تدوينة خلال سنة وقليل ،،
ما حبيت أفرد لها موضوع خاص لأن ماعندي كلام أقوله ولا ودي أسألكم وش تطلعاتكم للمدونة أو وش تبون فيها لأنها تحت تصرف مخي أنا
( خوش معاملة للزوار) ،،
كل 100 تدوينة وأنا أفضل ،، وأنتم كذلك 
،،
-|-|-|-|-|-|-|-|-|-|-|-|-|-|-|-|-|-|-|-|-|-|-|-|-|-|-|-|-|-
طيب خلونا من الفصيح لأنه يعور أصابعي وعيوني،، نجي لسالفة معرض الكتاب ،،
رحت الخميس الماضي المعرض بقطار الساعة 2 ،، مشينا شوي ولا تجيني رسالة من النكبة “زين” انه تم فصل الخدمة عن جوالي لعدم سداد الفاتورة
،، طيب صبرتوا علي يا جماعة الخير ،، حتى أسبوع ما مر على الفاتورة( على ما أذكر) ،، والمشكلة اتصلت عليهم يقولون ماعندهم رسايل كول مي ولا عندهم إرجاع الخدمة مؤقتاً،، يا اني حبيت ربعنا الاتصالات بقوة ذاك الوقت،، وصلت الرياض الساعة 5 وتسلفت جوال شرطة المحطة علشان أدق على صقيقي النكبة الي المفروض يمرني المحطة،، لكن لا حياة لمن تدق عليه ،، الرجال نايم وفي ستين نومة،، أخذت تاكسي وقلت له يوصلني معرض الكتاب ،، وأخينا في الله من حبايبنا البدو وداني معرض الصقور للطائرات الحربية ومدري ايش
،، لكن تداركنا الموقف واتصل على خويه ووصف له مكان المعرض ووصلنا بسلام ،،
دخلت المعرض الرهيب صراحة ،، نص ساعة إلا وأنا ضايع،، وللأسف المعرض الي حضرته قبل سنتين كان أفضل في تصنيف وترتيب دور النشر ،، تدور الكتاب في الكمبيوتر تاخذ اسم الدار او المكتبة وعندك بروشور فيه أرقام الدور بالترتيب ،، خلال دقايق يمديك تلقاها وحتى لو كان المعرض كبير زي هالسنة ،، لكن هالسنة للأسف ما لقيت سالفة الأرقام ولا البروشور،، فقلت مالي الا التمشي وانتقاء الكتب على الهوى ،، المشكلة الأماكن الي تمر عليها ما تمر على غيرها ولا أدري ليه،، بعد ساعة أو ساعة ونص من التمشي وتكسير الأرجل شريت خلالها كتابَي ” غرفة خلفية “ و” ظلالهم لا تتبعهم “ لهديل الحضيف رحمها الله من دار وهج الحياة ،، وقابلت الأخ جهاد العمار والأخ رائد السعيد الي قاعد يدور كرسيه الي على ما يبدو انزرف،، قعدت عندهم دقيقة ومشيت ،، بعد هالساعة أو الساعة ونص تسلفت جوال أحد مسؤولي قسم تقنية المعلومات بالمعرض علشان أتصل على خوينا في الله لعل وعسى يصحى من النوم وينقذني،، نسيت أقول اني تسلفت بعد جوال راعي التكسي جزاه الله خير،، وطبعاً ما رد علي وقتها،، يوم اتصلت عليه من المعرض حدثت المعجزة ورد والله الحمد،، نص ساعة تقريباً وإلا هو في المعرض ،، فرفرنا شوي في المعرض وطلعنا بعدها والباقي ما يخصكم،،
الحمد لله كانت رحلة حلوة وتوسعة للصدر قبل ما نخش في العميق في الدراسة،، طلعت من المعرض بكتابَي هديل وبمجموعتَي قصص للواء الركن محمود شيت خطاب ” عدالة السماء “ و ” تدابير القدر “ وهي مجموعة قصص واقعية عايشها اللواء بنفسه أو بعض منها ،، المجموعات قديمة وبعض القصص فيها قريتها في كتب ثانية من قبل ،، لكن لأول مرة أقرأ المجموعة الأصلية ،، وهي قديمة جداً ،، من خمسين سنة تقريباً ،، لكنها بطبعة جديدة ،، لكن أسلوب اللواء رائع والقصص فيها عِبَر جميلة جداً وأحداثها عجيبة ،، حتى أنك لا تكاد تصدق أنها حقيقية ،، وبالإضافة لهذه الكتب اشتريت مجلد للشيخ علي الطنطاوي رحمه الله بعنوان ” من حديث النفس “ ،، ما قريته للآن لكن أي كتاب عليه اسم الشيخ فلازم شراءه ،، للأسف كان معروض مجموعة مجلدات للشيخ بسعر مخفض بس ما بغيت أشتريها لأني خفت انها تضايقني وأنا اتجول في المعرض ،، احتمال أرجع يوم الأربعاء إن شاء الله وأشتريها إن كانت موجودة وإذا حالفني الحظ ولقيت دار النشر وسط هالصحراء المليانة،،
هووف ،، لأول مرة أكتب تدوينة بهذا الطول،، لكن حبيت أفضفض وأكتب عن زيارتي ،، يمكن يستفيد أحد ،، وإذا ما استفاد أحد أهم شي أنا استفدت،،
ايه صح ،، بصراحة مالكم داعي يا أمانة الرياض،، كرهت الرياض كره العمى ذاك اليوم ،، أجل أطلع من الفندق الساعة 2 الليل عطشان أبي هولستن مافيه بقالة مفتوحة؟؟ بالله عليكم هذا فعل فيني وأنا ضيف عليكم والمفروض إكرام الضيف؟؟ ( انقلع بسكأنهم دروا عنك أنت ووجهك) ،، لا بجد القرار هذا حق تقفيل المحلات عقب 12 قرار ماله داعي بصراحة،، والمشكلة الكاريكاتيرات في الجرايد كل يوم أشوفها تتطنز على القرار ولكن يبدو أنه مافي فايدة ،، مرة ثانية بشتري الهولستن قبل 12 وأحطه في ثلاجة الغرفة وأسهر على كيفي،،
C Ya ،،
،!
1300 رد ؟ واااااااال
ياليتني رايح المعرض بس في الرياض ياهي حوسة ، ولورحت بانتكب هناك ، ما في احد يحوس بي و يوصلني ( الله لايرزقني بواحد مثل صديقك لول ) .
Abdulrhman
10 مارس 2009 في 5:21 ص
كنت جاي طاير بأقول لك جاي الرياض ولا تكلم لكن عذرتك يوم انفصل جوالك !
بس ولو جاي الرياض ولا تكلم :@
The Top
10 مارس 2009 في 5:40 ص
لول، لا عاد تروح الرياض مرة ثانية أجل
Xeonash
10 مارس 2009 في 5:41 ص
مبروك المئة تدوينة وعقبال المليون
..
أتمنى زيارة معرض الكتاب لو أتيحت في الفرصة ..
مكتوم
10 مارس 2009 في 6:40 ص
مبرووك مليون ..
سوري ! من الفرحة
مليون مبرووك ..
نتمنى لكم التوفيق …
ماجد
مدونة لعيون لين
http://www.majedlife.com
ماجد
10 مارس 2009 في 10:34 ص
مبروك الـ100 تدوينه، وعقبالي
معارض الكتاب وناسه، بس امشي واشتري، شهيتني اروح جرير.
Ahmad
10 مارس 2009 في 12:32 م
الهوليستون وع
ميرندا برتدان وبس
أبي أركب قطار زي هاري بوتر
بكم القطار تذكرته ؟ ومن وين يركبونه الناس ؟
ووين يودي ؟
أسأل بجد
ترى
Jaz
10 مارس 2009 في 6:14 م
ههههههههههههههههههههههه
ههههههههههههههههههههههههههههههه
هههههههههههههههههههههه
مجودي صقيقي العزيز أسف :$
رحت للمعرض ثلاث أيام ثانية مع الشباب و جداً اسمتعت بالمعروض فيه .. أتفق معك في سالفة توزيع المعرض ..
بس المبنى الجديد رهيب و كبير ويبشر بمستقبل رائع للمعارض بالرياض ..
كنت مرة مبسوط بشوفتك يا صقيقي .. و أسف على السحبه <<< فضح نفسه
Jaz القطار يأخذك من الدمام للأحساء للقطيف الى الرياض … بـ90 ريال بس
Id
10 مارس 2009 في 7:08 م
عبد الرحمن ،،
صل على النبي يا واد
،،
،،
ترى كلها تكسي من المحطة لين المعرض وإذا خلصت ارجع للمحطة وامش للحسا وريح راسك ولا له داعي مشاوير
حياك ،،
=-=-=-=-=-=
ذا دب ،،
أحم ،، وش أخبارك انت بس
؟؟
وثاني شي كنت أبي آخذ راحتي 
،،
معليه والله ماحبيت أزعجك
نورتنا ،،
=-=-=-=-=-=
Xeonash ،،
أنت على قيد الحياة
؟؟ وينك يا رجل 
؟؟
،،
مرة ثانية لا رحت الرياض بسدد فاتورتي قبل
ممنون لمرورك ،،
=-=-=-=-=-=
مكتوم ،،
الله يبارك فيك علاء ،، الفال لك
،،
،،
إن شاء الله تسنح لك الفرصة قريباً ،، أو بعيداً في السنة الجاية
مرورك أسعدني ،،
=-=-=-=-=-=
ماجد ،،
الله يبارك فيك مليار
،،
شكراً يا عزيزي ،،
نورت المدونة ،،
=-=-=-=-=-=
Ahmad ،،
الله يبارك فيك ،، وعقبال الألف إن الله أحيانا
،،
،،
اي والله صدقت ،، الواحد يبيله يدخل بخمسمية عالأقل علشان يبرد قلبه
شرفتنا ،،
=-=-=-=-=-=
قاز ،،
الهولستن ماء الحياة
،،
،،
؟؟
القطار يا بنت الناس من الدمام إلى الرياض زي ما قال ثامر ،، بتسعين ريال روحة ورجعة ،، وإذا كنتي طالبة جامعية تعطينهم بطاقتك أو ورقة تخفيض من الجامعة ويخصمون لك نص القيمة
بعدين تعالي ،، ما عمرك ركبتي قطارنا
نورتِ ،،
=-=-=-=-=-=
ثامر ،،
أنا مخاصمك
بس سامحتك يوم شفت القبع الي على راسك الفلة 
،،
؟؟
يالله بجيكم بكرة فاضي
أسعدني مرورك ،،
عبد المجيد
10 مارس 2009 في 8:37 م
مبرووك عليــك الــ100 ..وعســآكـ في إستمرار
امااا عااد على النكبــه من زيــن إنكسر خاطري عليك ^^ ..بس عدت على خير
يلا تسلى لك في الكتبــ .. قراءه موفقه وممتعه لك
شوق
10 مارس 2009 في 11:40 م
مبرووك الـ 100 يا أستاذنا ..
عقبال المليون حبيبي ألبي
..
مكتوم
11 مارس 2009 في 12:02 ص
مبروووك الـ100 وعقبال الـ100,000
كله كوم وحركة زين كوم
ما عندهم نظام الشحن مثل الاتصالات؟ عشان الأوقات هذي يعني
والا لازم تسدد ؟
Hanan
11 مارس 2009 في 9:09 ص
ماعمري ركبت قطار
يعني فيه من الدمام
وبما إني طالبة يعني روحة وجية بـ 45 ريال
حلوو
طيب شكثر المشوار بين الرياض والدمام بالقطار ؟ كم ساعة ؟ ما تزيد عن الـ 3 اللي حكيت عنهم ؟
وهل فيه بلع بالقطار > >
Jaz
11 مارس 2009 في 5:16 م
أقلك
تذكرني بولد أختي ، ممتحني بالروايات ياأخي ماشريت حاجة في التخصص…
س
م
ع
الله
لمن
حمده
o T h M a N
11 مارس 2009 في 9:37 م
كتبت رد قبل أمس، وبعدين أمس، وكلهم ما طلعوا، وش القصة؟
المهم أنا مصر أبارك لك المئة وأقول عقبال المليون
..
مكتوم
12 مارس 2009 في 3:38 ص
شوق ،،
الله يبارك فيكِ ،،
مع ان ما ودي أكررها 
،،
حلاة السفرات بمهالمواقف والنكبات
شكراً ^^ ،،
نورتِ ،،
=-=-=-=-=
مكتوم 2 ،،
الله يبارك فيك يا دافنشينا
،،
) عقبال الألف لك إن شاء الله حبيبي ،،
وعقبال الترليون ( قوية
شرفتنا مرة ثانية ^^ ،،
=-=-=-=-=
Hanan ،،
آمين يا رب ،، شكراً لكِ : ) ،،
؟؟ المفروض هذي خدمات أساسية بما أنها موجودة عند المنافسين :/ ،،
شفتي كيف النكبة
لازم أسدد طبعاً ،، وما أقدر إلا من الصراف الي عندي بطاقته :/ ،،
حياكِ ،،
=-=-=-=-=
قاز ،،
انتي متأكدة انك تعيشين في الشرقية
؟؟
،،
المشوار من الحسا للرياض 3 ساعات ،، يعني تقريبا من الدمام أربع ساعات ،،
فيه مطعم بالقطار يا مال التخمة
شرفتي ،،
=-=-=-=-=
عصمان بيه ،،
عساه فالح مثلي بس
؟؟
ربنا ولك الحمد ،،
منور ،،
،،
=-=-=-=-=
مكتوم 3
شكل المدونة حاقدة عليك ،، حتى ردودك زمان كانت تحجبها
،،
تسلم والله يا باشا ،، كلك زوء : ) ،،
حياك ،،
عبد المجيد
12 مارس 2009 في 4:39 ص
الله ..ياحظظظظظك رحت المعرض
بس رحله ..أليمة ..
يعني الجوال حاجه مهمه .. بصراحه ..
بس اهم شي انبسطت وغيّرت جو ..
بالعافيه على دماغك هالكتب :p
Photon
12 مارس 2009 في 3:15 م
ايه صح ..
مبروك المئوية ..وعقبال الألفية
Photon
12 مارس 2009 في 3:17 م
فوتون ،،
أليمة وبس ،، إلا كرهتني في الرياض
،،
،،
بس خلاص تعلمت ،، مرة ثانية بجيب معاي ثلاث شرايح جوال احتياطاً
الله يعافيكِ ويبارك فيكِ ^^ ،،
مرورك أسعدني ،،
عبد المجيد
14 مارس 2009 في 2:08 ص
حبيبي عبدو المفروض انك تبيع جوالك علشااان تشتري فيه شريحه خخخ خيرها بغيرها
عبدالعزيز
19 مارس 2009 في 1:33 م
مبروك الميه
وبصراحه عطش اخر الليل فكرني بأيامي في الرياض :d بس ايام حلوه
متى يصير عندنا معرض كتاب : ( .. معرض كتاتيب انا راضي
زياد
22 مارس 2009 في 11:57 م
هههههههههههههههههههههههههههههههههههههههه
والله ينرحمون تخيل ان 3 بقالات مزروفه بشارع الحي حقنا في الرياض علشان كذا طلع هالقرار لان السرقات كثرت مره في الرياض … 
الله يعينك …. معرض الكتاب كان عندي نيه اروح له كل سنه اقول بروح واسحب
بس قالوا لي صديقاتي انه مو كويس وزحمه ومافيه شي قلت خلاص وشوله …
وبالنسبى للقرار حق تقفيل المحلات ..
reema0
1 أبريل 2009 في 11:44 ص
ع البركه الشسمه
بس يا انك قرقة ما شاء الله عليك الله لا يضركـ
اجل تقول 100 بسنة ما شاء الله
بس مقللللع ذا اللي وداك لمعرض الصقور
يلا يا سعادة البيه عقبال الـ مليار تدوينه
وكل شسمه و انت ذاك الشي و شكرا
Super A S M O
2 أبريل 2009 في 6:06 م
خالو عبد العزيز ،،
شف التفكير كيف
المفروض أبيع الجوال وأشتري بيجر 
،،
حياك يا خال ،،
=-=-=-=-=-=
زياد ،،
الله يبارك فيك
،،
،،
،،
ياعمي الرياض ما فيها زود ،، حتى عرعر بتصير احسن منها لأن ما فيها حظر تجول مدري حظر بيع
وبعدين هذا البحرين يمك فيها أحسن معرض كتاب ،، طب وتخير
نورتنا يا بوطارق ،،
=-=-=-=-=-=
reema0 ،،
لا والله كويس ومافيه ذيك الزحمة الي تضايق ،،
?? سلاماات 
،،
وعن المحلات هذا مب حل ،، بدال ما يزيدون الشرطة يسكرون المحلات
شرفتينا ،،
) ،،
=-=-=-=-=-=
سوبر أسمو (الله يستر
الله يبارك فيكِ ،،
؟؟ روحي بس روحي 
،، غيري وصل الأربعمية والخمسمية وذي متروعة من مية 
،،
،،
لحظة … أنا قرقة
ما أتوقع بوصل مليار إلا إذا ورثت المدونة لعيالي
نورتِ ،،
عبد المجيد
3 أبريل 2009 في 3:15 م
:
عادي إحمد ربك إنك وصلت المعرض
غيرك سمع عنه بس
Dantil
4 أبريل 2009 في 3:02 م
يعني خلاص قفلت عندك على الــ100 وما راح تحط أي شي جديد هههه
وينك يا معلم
عابر سبيل
23 مايو 2009 في 9:41 ص
نفس الكلام أعلاه..
عـــمـــر
29 مايو 2009 في 2:18 م
عقبال 1000 تدوينه
جرح السعوديه
5 يونيو 2009 في 2:14 ص
أولا / مبروك وصلوك لـ 100 ض2 (F)
عقبال ما تقول لك المدونة ضف وجهك ما عاد أستحمل الضفط > برا ض3 !
ثانياً / شُكراً لأنك كأنك تقول لي لا تحولين لـ زين و خصوصاً إني مب راعية كول ميات أبد ,
ثالثاً / إستمتعنا بالتاكسي و المرمطة حقت الجوال و كل كل شيء .,
شُكراً لك ..,
άηģεℓό ~
13 يونيو 2009 في 9:40 م
عقبال المليون يا غالي
محمد
1 اغسطس 2009 في 5:29 م
اولا ماشاء الله مبروكـ على الميه بوست على اني قديمه
والحين يمكن وصلت 110 << احلفي
المهم ان عقبالي ان شاء الله واذا ممكن ترد بتدوينه او شي وشو رايكـ في كتاب تدابير القدر وقلي وشو رايكـ
تحياتي
نوف عاصم
24 أكتوبر 2009 في 2:20 م
اين الكتب
شات
28 أكتوبر 2009 في 7:25 ص