فعلتها ،!
نعم نعم ،، أنا تهورت وفعلتها 
،،
ما أدري وش الي جاني ،، لكن رحت جرير اليوم بعد العشاء ،، ونطيت إلى قسم الكتب وما أدراك ما قسم الكتب ،، ما قدرت أقاوم ،، وابليس جمّل لي المعصية ،، وفعلتها 
،،
.
.
.
.
،، ( لاحظوا الهولستن بالخلف تراي متعمد أحطه ) ،،
طبعن ما أتوقع إني بقراهم هاليومين لأن مالي خلق ،، وتعرفون الاختبارات السبت الجاي فلازم أتفرغ لها تماماً ( يصير خير ) ،،
غداً إن شاء الله سأضع الجدول النهائي ،، لأن مسوين لنا ستين مليون نسخة 
،، كل شوي عدلوا فيه ،، الله المستعان ،،
نراكم بعد الإختبارات بإذن الله ،، لأن ستتم مصادرة اللابتوب من قبل وزارة الداخلية بالبيت ،، ولكن نعم للحرية ،، ولا للقهر والاستعباد ،،
وسنوافيكم بأدق تفاصيل الاختبارات من قلب الحدث عن طريق لاب الكلية ،، وخلي اللابتوب عندك لبكرة يا أم عمر ،، الله يعز الحكومة الي حطت لنا جامعة الي حطوا لنا كلية الي حطت فيها معمل حاسب ،،
إيه صح ،، جاني واجب ذكريات الدراسة من أربعة مدونين وسحبت عليه ،، فليعذروني بتأخيره إلى ما بعد الاختبارات ،، وإذا ما عذروني عندهم أربع جدران ،، يضربون روسهم باللي يبون ( ما عنده تفاهم ) ،،
إلى لقاء قريب 8) ،،
.
Filed under: Collegial ،!, مجّوديات ،! | 31 تعليق
الوسوم:كتاب، رواية، شيكاغو، شيكاجو
مدونة عبد المجيد 
بالله ما شفت عودة الغائب..؟
لا تقول متكيسل ترى رحت لهم ولا حصلتها 😀
وربي يوفقك في إختباراتك.. ويخلي لك وزارة الداخلية.. 🙂
ولاحق على الروايات.. (L)
الله يعينك على الاختبارات ,,
بس دامك ما رح تقراها الحين ,, اجل ليه شريتها؟ 😀
كان أجلتها شوي :p
الله يوفقك ويسهلها عليك 🙂
شيكاجو في بالي من فترة بس متردده اخذها، مدري ليه!
اذا خلصت من قرائتها علمني وش رأيك فيها واذا تستاهل اخذها او لا :>
هههههه
قراية الكتب ماتحلى الا بالاختبارات 🙂
جالسه اذاكر ..شوي الا انط واقرا في ديوان
عبدالرحمن العشماوي
ماحلى لي الا وانا اذاكر خخخخ
ولقيت قصيده كنت ادور عليها من زماااااااان
لو كنت اكتب شعري ..حتى القب شاعر 🙂 🙂
“””
واشوه محد يفكر ياخذ جهازي 🙂
موفق باختباراتك والله يعيين ..
^ ^ ^ ^
عندك حق يا رماديه قراية الكتب متحلى إلا في تلك الايام السودة.. 😀
على العموم موفق يا عبد المجيد.. و احذر من عقاب وزارة الداخلية، ذي عقابها شديد.. مثلها مثل جميع وزارات الداخلية في العالم 😛
ههههههه
الله يخلي وزارة الداخلية والخارجية بعد
أنا مستحيل يصادرون جهازي .. طول الوقت توصل أخبار وأوراق وأشياء عن الاختبار فلازم أون 24 على 24 8)
بالتوفيق ..
وننتظر الحل ترى 😛
مجودي والله بشتاق لك 🙂
الله يوفقك
الله يوفقك يبني
انا ولله الحمد ما عمره تصادر جهازي لأني ما شريته اصلاً إلا بأيام الامتياز 😀
لا حتى قبل ايام المكتبي كنت ماخذ كامل الحرية ولذلك تراي ما تعثرت ابد ببعض المواد
شد حيلك نبيها كلها A
عو تي بي 🙂 ،،
من زمان عنك يالقاطع ،، والله يا حبيبي ما أذكر ،، لأني كنت قاصد هالروايتين ولا فكرت بغيرهم ،،
ما يمديك ،، بديت فيهم والله ولا فكرت بالدراسة 😛 ،،
مرورك منورني ،،
=-=-=-=-=-=-=
فروزن ،،
ويعينكم جميعاً ،،
أقولك ابليس لعب علي 😀 ،، بس ما عليكِ بديت فيهم والكافي الله ،،
شكراً لمرورك ،،
=-=-=-=-=-=-=
حنان ،،
الله يجزاكِ خير ويعينكم ،،
بالنسبة لشيكاجو ،، من أول 120 صفحة ،، فيها مواد غير جيدة ،،
شاكر لكِ مرورك ،،
=-=-=-=-=-=-=
ألوان رمادية ،،
صدقتي والله ،، ما يجي اللعب الا بأوقات الاختبارات ،،
واحمدي ربك ما أحد يصادر لابتوبك 🙂 ،،
مرورك أسعدني ،،
=-=-=-=-=-=-=
أسامة ،،
لا ما عليك وزارتنا أعرف أضبطها ،، تراهم طيبين 😀 ،،
ألف تحية لك ،،
=-=-=-=-=-=-=
هذيان ،،
حظك انتي 😐 ،، تسرحين وتمرحين ،، لا تتشمتين ولا بيجيكِ يوم 🙂 ،،
مرورك أسعدني ،،
=-=-=-=-=-=-=
سعود ،،
اشتاقت لك العافية ،، عساك راضي عني بس 😛 ؟؟
شكراً لمرورك عزيزي ،،
=-=-=-=-=-=-=
مراد ،،
جزاك الله خير يا جدو ،،
ما شاء الله عليك ،، مصيره يتصادر إن شاء الله ( نذل 😛 ) ،،
إن شاء الله الـAـأت تملا الشاشة ( هين 😀 ) ،،
نورت المدونة ،، لا تقطعنا يا باشا ،،
والله يا عبد المجيد إن الواحد يفعلها ( على قولك ) وهو قاط ستين يمين إنه ما يخش المكتبة لين يخلص الاكوام اللي عنده .
بطل هالمشروبات 🙂
مدونة جميلة جدا ً أخوي عبدالمجيد ^_^
بصراحة ما حبيت ترجمة مئة عام من العزلة، في نسخة ثانيه أفضل بكثير من هذي 🙂
ترجمة “صالح علماني” هي الأفضل 😉
عبدالمجيد ..
أنا كنت بأفعلها .. لكن تذكرت اني قطعت على نفسي اني أبدأ أذاكر !
ولا قائمة الكتب ” طوييييلة ” :d
بالتوفيق للجميع يا ربْ : ) ..
شريت مئة عام من العزلة قبل سنة تقريبا ، قرأت منها 100 صفحة بتركيز متوسط ، لم افهم شي !!!!!! لازم تقرأها وانت مركز بشكل غير طبيعي لان احسها صعبه بالمرة !
شيكاجو ، ماشريتها وشكلي ماراح اشتريها لان الكاتب ….. عربي !!1!
علوش ،،
الله المستعان ،، إذا أزعجوك الي عندك أرسلهم لي 😛 ،،
المشروبات هي الي تعطيني جوي يا عزيزي 😀 ،،
سعدت بمرورك ،،
=-=-=-=-=-=-=
Blue ،،
أنت الأجمل أخي =) ،،
ما أدري عن اختلاف الترجمات ،، لكن هذي الي لقيتها قدامي بجرير فقط ،، ويبدو أنها جيدة ،، شكراً على كل حال 😉 ،،
نورت المدونة ،، كن هنا دائماً ،،
=-=-=-=-=-=-=
فيّ ،،
أنا ما ينفع معي قطع ولا جزّ 🙂 ،،
لكن إذا دخلت في المذاكرة دخلت ،، وهذي تصير مرة بالسنة بس 😛 ،،
ربي يوفقك ،،
مروركِ أسعدني ،،
=-=-=-=-=-=-=
عبد الرحمن ،،
شكراً على النصيحة ،، أجل يبيلها روقان 🙂 ،،
بالنسبة لشيكاجو ما أنصح فيها ،، توي ختمتها قبل شوي ،، أقل شيء فيها أنها قذرة ،، واعذرني على الكلمة ،، لا أدري إن كنت سمعت به ،، لكن الكاتب هو نفس مؤلف رواية عمارة يعقوبيان التي تحولت إلى فيلم سبب ضجة في مصر ،،
شكراً لردك ،،
الله يعينك خيوووو
^_^
بالتوفيق
ههههه ..
وقت الاختبارات يحلى كل شئ , أنا أسير لدرجة حتى الكتب اللي قرأتها أقرأها من جديد ..
لا حمدلله وزارة الداخلية عندنا مستحيل تصادر أي شئ ..
الله يوفقك و يعينك ,شموخ
السلام
بالتوفيق في الاختبارات
وعلى فكرة ترا اي كتاب ماله علاقة بالدراسة ماتحلى قراءته الا وقت الاختبارات .. واسأل مجرب ، فنصيحتي لك خلي وزارة الداخلية تصادر الكتب اللي شريتها مع اللابتوب 🙂
reash ،،
شكراً لاهتمامك ،، وبالتوفيق ،،
شاكر لكِ مرورك ،،
=-=-=-=-=-=-=
شموخ ،،
فعلاً ،، أوقات الاختبارات تخرج أفكار وأشياء تصلح للإجازة وليست للدراسة 🙂 ،،
وزارتكم رحيمة ،، ووزارتنا بعد ،، بس يبيلها تعب شوي ،،
أعانكم الله،،
شكراً لردك ،،
=-=-=-=-=-=-=
نصيرة عبدالعزيز ،،
وعليكم السلام ،،
=-=-=-=-=-=-=
تــميــم ،،
الله يوفقك ،،
صدقت والله ،، تصبح لها لذة أخرى 🙂 ،، وأما بالنسبة للكتب ،، خلصنا واحد ولله الحمد ،، والثاني يبيله قعدة بالإجازة ،، فما عندي مشكلة 🙂 ،،
ألف تحية لمرورك ،،
أخبرنا بالتفاصيل في النشرات القادمة >> ههههه الله يسعدك قلبك ضحكتني عن جد كلامك زي العسل
اللغة اليابانية ،،
كان هذا موجز النشرة ،، أما الآن فإلى الأخبار 😀 ،،
أبشر طال عمرك ،، ربي يسعدك دنيا وآخرة ،،
مرورك أسعدني ،،
good luck with your exams ..
: )
والله ابي كتب من جرير ..
تعرف الكتب يصير لها طعم ايام الاختبارات لوووووولز
ذاكر بعدين اقراهم لاحق عليهم 🙂 ..
كتاب شيكاجو ترى حلو 🙂
قراءة ممتعه
محمد المغلوث ،،
u 2 🙂 ،،
thanx 4 passing ،،
=-=-=-=-=-=-=
مضيعة ،،
طعم ثاني مررررة 🙂 ،،
المذاكرة لاحقين عليها ،، أول أقرا 😛 ،،
وعلى فكرة ،، أنا شريت الكتاب بعد ما ذكرت موضوعك عنه ،، بس الكتاب للأسف طلع سيء جداً 😦 ،،
شكراً لمرورك ،،
ربنا يعينك و يوفقك
وتر ،،
شكراً لمرورك ،، ويعطيك العافية ،،
:
الله الله
إنت ع الأقل أحسن مني
صارلي شهور ودي اشتري كتب جديدة ولا شريت
إن شاء الله بعد الإختبارات
تعطينا ريبورتاجات عن الكتب ^_^
والله يوفقك بإختباراتك
دانتيل ،،
بإذن الله في الإجازة تنطين إلى أقرب مكتبة وتفلسين من الشراء 😛 ،،
الريفيوز بإذن الله بعد هالمحن الي عندنا ،،
شكراً لمروركِ العطر ،،
خخخخخخخ الله يرجك … حتى وزارة دخليتنا تصادر اللابتوب في اليوم الي يسبق الامتحان .. لكن الجميل ان امتحاناتي يتخللها عدة ايام فراغ فيرجع اللابتوب كم يوم ثم يصادر مره ثانيه 😀
فيما يخص شيكاجو.. هذي شايلها من راسي ولافكرت أقراها ولله الحمد.
اما 100 عام من العزلة .. انوي قراءتها, مع كثرة التحذيرات الي سمعتها ان الرواية ستصيبك بملل عجيب .. بالإضافة الى انه لي تجربة سابقة -سيئة نوعا ما- مع ماركيز في مجموعته القصصية “حجيج غرباء” لذلك لم أعلق أمالا كبيرة على هذه الرواية .. فقط سأقرأها لحاجة في نفسي.. 😀
بالتوفيق لك بالاختبارات …
وللمعلومية … رأيك بـ “100 عام من العزلة” يهمني كثيرا 😛
عبد الله ،،
تصدق ما دعاها قلبها تصادره ،، الوضع فري 😀 ،، الله يكون بعونك بس ،،
شيكاجو فعلاً ما تستحق ثمنها ،،
100 عام من العزلة ،، بخليها للإجازة ،، أنا تحمست لها عقب ما شفت مدونين واجد شروها من معرض الرياض الأخير للكتاب ،،
أبشر بعزك ،، خلنا نخلص هم وغم ومالك إلا طيب الخاطر 😉 ،،
نورتنا بمرورك ،،
استغرب من الاخ abdullah عدم اعجابه بالمجموعة القصصية حجيج غرباء لماركيز. ربم لوكانت الف ليلة وليلة لفهمها. لكن ماركيز يحتاج لقارئ جيد والسعودي لايمكن ان يكون قارئا جيدا لان طريقة تعليمه تقوم على التلقين وليس علىاعمال العقل والتفكير السليم
.