لعبة = ذكرى ،!

05أغسطس08

أهلن وسهلن ومرحبن بي في مدونتي وشكراً والسلام عليكم ورحمة الله ،،

لي فترة أبي أكتب هالتدوينة بس ما يمنعني إلا الكسل ( خلاص يمشي في دمي زي الدم ) ،،

الله المستعان ،، هذا عقوبة الي يتشمت بالناس ،، عندنا مثل يقول : ( من عايب ابتلى ) ،، أنا كنت أتشمت بصقيقي OTB وفي رواية عوتيبي وفي أخرى عتيبي ،، الأخ عبد الله بصمات العتيبي ،، كنت أتشمت فيه أنه زول ويتكيسل يقوم من بيتهم علشان يصلح البلايستيشن حقه ،، وأنه سحب على أبو أبو مدونته وتركها سايبة بالشوارع بلا رقيب أو عقيد أو حتى جندي ،، والحين ربي عاقبني وصرت أنا ما أكتب إلا مرتين بالشهر ،، يمكن لأنها إجازة ،، ويمكن غير ،، ما علينا ،، نترك هالمقدمة ونخش في العويص أو العميق ،،

.

من فترة قريبة ،، أهلي كانوا يرتبون بعض الصناديق القديمة ،، ولقو فيها شيء من الذكريات ( أسلوب ،، أنفع كاتب روايات ) ،، لقو إحدى ألعابنا القديمة ،، بصراحة يوم شفتها هيجت فيني مشاعر غريبة ،، حسيت فعلاً بالزمن كيف طار ،،

عمر تذكرها ؟؟ كان فيه زرافة بعد ،، بس ما أدري وين راحت ،، هذي لها تقريباً أكثر من 12 سنة ،،

أيضاً شفت على اليوتيوب فيديو للعبة قديمة جداً كنا نلعبها على السوبر نينتندو ،،

يمكن يعرفها بعضكم ،، كانت من أروع الألعاب ،،

توجد موسيقى

يالله ،، وين يروح الوقت ؟؟ أحسها والله بالأمس ،،

كل لعبة مرتبطة بذكرى ،، أذكر يوم سوينا مظاهرة في البيت بقيادة أختي الكبيرة ،، نطالب الوالد بشراء سوبر نينتندو ،، سوينا لوحات وعلقناها على صدورنا وقام الصراخ ( نريد سوبر نينتندو !! نريد سوبر نينتدو !! ) ،، الحمد لله نجحت المظاهرة وشراه الوالد ،، كنا نلعب فيه وإذا خلصنا فكيناه وركبناه في كرتونته من جديد ،، مرة جيت مبكر من المدرسة وحاولت أركبه وما عرفت ،، لين جاء أخوي عمر وركبه ،،

.

وبما أني فتحت صندوق ذكرياتي خلني أزيدكم منه ( أيه يا أبو سبعين خريفاً ) ،،

من شهور لقينا مجموعة صور عند أحد أخوالي ،، تخصنا وأبناء وبنات خالاتي ،، أخذتهم ودخلتهم للجهاز ،،

هذي وحدة منهم ،، طبعن أنا الملون لأني جديد والباقي قديمين ،، يا حلاتي كنت متختخ ،، بس راح هذا كله للأسف ،،

كنت بصف أولى ابتدائي ،، الله يحفظني ،،

.

آخ انكسر ظهري وتعبت ،، هالتدوينة تكفي إلى نهاية الإجازة ،،

نراكم 8) ،،

.

Advertisements


20 Responses to “لعبة = ذكرى ،!”

  1. عبدالمجيد !! وشو اللي في الصحن ؟ هههه

    صورة رايقة، و”حساويّة” جدا ! 😀

    أجمل تحية عزيزي

  2. أها ،، هذي عصيدة 😀 ،،

    مرورك نورني ،،

  3. 3 O t H m A n

    اغ اغ اغ

    الله يخليك لأمك

  4. 4 عمر أخو عبدالمجيد

    اخخخ على الذكريات يا مجيد … تذكر يوم كنت أصفقك على وجهك 🙂

    اللعبة هذي لها ذكريات عظيمة معي … أحبها كثير خصوصاً اللي حطيت صورتها … لاترميها لمن أرجع باخذها منك

    لعبة النتيتندو هذي كنت ألعبها كثير … بس ما كانت أعرف ألعبها زين 🙂

    والمظاهرة إلى الآن في بالي والله ما أقدر أنساها .. بصيييح

    أما الصورة حفله من جد خخخخخ … شكله خالي عبدالرحمن اللي عنده الصورة أو خالي محمد … بس العصيدة تشهوي والله

    أنا هنا ماعندي ولا طبخة عربية أو سعودية هئ هئ هئ … مشتهي أي شي سعودي …

    المهم لو فيه صور لي أرسل لي إياها تكفى …

    شكراً على الموضوع الحلو … ولا عجب فأنا أخوك نياهاها

  5. 5 سعود النعيم من كندا

    يا زينك يا جوووودي

    من وانت صغير وانت زوين خخخخخخخ

    أقول .. تسلم لي هالتدوينة يا قمر 🙂

    وتكفى تكفى تكفى لا تتأخر علينا يا جووودي

  6. وادلبوو يا نااث
    تزنن الصورة
    وشكلكم كلكم أعماركم قريبة من بعض 😀
    وبعدين مين أكبر ؟ انت والا عمر :\
    الدفاية عندنا زيها
    لووووولز 😛
    وفيه سؤال …
    أوكي صحن واحد عصيدة
    ليه ملعقة وحدة ؟ : P

  7. عصمان ،،

    كيف الحال بس يا جدو 😐 ؟؟

    =-=-=-=-=-=-=
    عمر ،،

    لا ما أذكر 😛 ،،
    لاتخاف موجودة بالحفظ والصون ،،

    الصورة ماخذها من عبدالله من زمان ،، ما وريتك اياها 😐 ؟؟

    خلاص كلها عشرين يوم وتاكل لين تزهق ،،
    الصور جاية بالطريق ،،

    حياك ،،
    =-=-=-=-=-=-=
    سعود ،،

    شرايك بس ؟؟ تدور لي من الي عندكم بكندا 😀 ؟؟

    أنت الي لا تتأخر ،، يعني أجيكم كندا ولا كيف :/ ؟؟

    يسلملي مرورك ،،
    =-=-=-=-=-=-=
    هذيان ،،

    شقرن 😳 ،،
    ايه ما يفرق بيننا الا سنة أو سنتين ،،

    عمر الكبير طبعن 8) ،،

    الدفاية هذي ماركة مسجلة في كل بيت سعودي 😛 ،،

    الملاعق الثانية تحت بس الصورة ظالمتها 😀 ،،
    وبعدين يمكن كنا ناكل بيدينا 😐 ،، الوضع فري يا أختنا 😐 ،،

    مروركِ أسعدني ،،

  8. يوم صار اتصالي سريع<<واخيييييرا
    يطلع الفيديو لعبه الكترونيه 😦

    الا يخلي كراااش بس ..وغيره خس :)<< بتنذبح

    صوره جميله ..بس لو حاط اكثر ..صار التعليق ع العصيده هع

  9. ايه يا ايام الطفولة 😀

    يعني انت شايب هالحين يا عبدالمجيد

    انا توني صغير في عمر الشباب

    ذكرتني ببطانية عند اهلي من قبل لا اولد وهي موجودة والظاهر انها لأكبر اخواني يعني لها 30 سنة بالبيت 😀

    لعلي ان حصلتها صورتها

    موفق يا بني وخل عنك الكسل والكسلاء واكتب <<<<<, شف من يتكلم

  10. 10 O T B

    ههههههههههه

    عبد المجيد فضيحة الله يغربل عدوك ههههههههههههههههه

    وينك من زمان ما شفتكش بالماسنجر لا يكون متكيسل تسجل دخول وتسولف..؟ خخخخخخخخخ

    وعلى طاري PS3 كيف Mgs4 معك..؟

    أبشرك فكرت إني ألعبها هههههههههههههه..!

    لا أمزح تعديت العنكبوت اللي بعيادة الدكتور >> تمويه ههههههههه

    وش هالصورة ذكرتني بأيام مضت قبل لا تجي هالمطاعم.. كان أكلنا صحي.. شوف التختخة باينه عليك بعكس الحين 😛

    أنت للحين عندك لعبة يوم عمرك 6 سنوات..

    سبحان الله مثلي.. بس أنا لعبتي سيف صدقي.. 😀

    وكلش شيء وتقطع عن التدوين.. ترى خلاص أدمنت أخش هنا.. (L)

  11. ألوان ،،

    زين ضبط النت 🙂 ،، وبعدين أنا قايل انها لعبة عالسوبر نينتندو 😐 ،،
    كراش له مكان في الذكرى بعد ،،

    يكفي فضيحة وحدة 😐 ،،

    تحياتي لكِ ،،
    =-=-=-=-=-=-=
    مراد ،،

    من شهر نقزنا على العشرين ،، توي بريعان الطفولة 😦 ،،
    اي والله عندنا بطانية من ايام اخوي الكبير رضيع 😀 ،، غبرة ،،

    أبشر طال عمرك 😐 ،،

    شرفتني بمرورك ،،
    =-=-=-=-=-=-=
    بصمات ،،

    هذا جزاء الي ما يدون 😀 ،،
    لا أدخل بس متخفي ،، تعرف مشهور وما أبي أحد يزعجني 8) ،،

    أبشرك ختمتها من يومين 😛 ،،
    مبارك عليك التفكير 😀 ،، خطوة جيدة والله 😀 ،،

    الدكتور أجل 🙂 ،، يصير خير ،، توك مالعبت شي 😦 ،،

    شفت كيف ،، صوري القديمة كلها تختخة 🙂 ،، متوسط وانت ماشي كلها هياكل 😀 ،،

    الله يستر منك ،، من يومك تحب الشر والطق والقتل 😛 ،،

    لعيونك طال عمرك 8) ،، ( لا تصدق 😛 ) ،،

    حياك عزيزي ،،

  12. هههههههههههههههههههههههه
    خووووووووش ذكريات تفطس ضحك
    اهم شئ المظاهرات اللى سويتوها خخخخخخخخخخخخخخ الحمدلله انها جابت نتيجة
    بس الصورة الاخيرة والعصيده شكلها صح >> من عندي عصيده
    شوف يا عصيده يا هريسة ؟؟ >> ههههههههههههههههههههههههههههههههههههههههههه

    ما ادري كل ما ادخل مدونة اليوم فيها بوست يموت ضحك 🙂

    الله يرحم ايام الطفولة والله انها ايام تهبل 😦 وحشتنى مرة هالايام :”(

    بس احتفظ بالصورة احب الصور القديمة

  13. قبل لا اسكر الصفحة

    مين قاص شعرك ؟؟
    لان القذلة كانها مايلة >> بتصطر :$

  14. 14 عمر أخو عبدالمجيد

    مجيد أخوي طول عمره قذلته مايلة … لأن شعره ناعم ومايقدر الحلاق يضبطه له >> هين هين يالضبان

    مجيد ترى الصور مش ولا بد في الدقة لأنك حاط كل 4 صور مع بعض … أرسلهم مفردين لو سمحت … وكثر من صوري أنا وانا صغير

  15. غريبة ليه انت ملون والباقين أبيض وأسود
    أكيد هذا تأثير فيزيائي بعد تفاعل الذكريات الخمسينية مع ثاني أكسيد النيتندو

    امتعني المرور هنا 🙂

  16. مضيعة ،،

    خلي الشماتة على جنب أحسن لك 😐 ،،

    المظاهرات السلمية دائماً تأتي بنتيجة 😀 ،،

    عصيدة عصيدة ،، مكتوبة بثاني رد 😐 ،،

    الصورة موجودة ،، بس حطيتها بالجهاز زيادة بالاحتياط ،،
    القذلة مب مايلة بس هذا النور منعكس عليها 😛 ( أبو التصريفة 😛 ) ،،

    شرفتي بمرورك ،،
    =-=-=-=-=-=-=
    عمر ،،

    اطلع منها بس 😐 ،،
    الصور دقتها عالية مع بعض ،، بس الهوتميل خفض الدقة ،، وهذا كل اللي عندي ،،

    حياك ،،
    =-=-=-=-=-=-=
    عابر سبيل ،،

    هذا تأثير فوتوشوبي 😀 ،،

    أمتعني مرورك وردك :] ،،

  17. اهم شي التجمع على صحن واحد 🙂 بصراحه قمة الوناسه
    صدق زحمه وحوسه بس وناسه

    ذكرتني باللي مضى 😥

  18. إي والله ذكرتني بشقة جدتي وأيام الطفولة..

    والاجتماع مع أقاربنا اللي بسننا ، ياه كيف مرت الأيام..

    حلوة ذكرياتك عبد المجيد..

    بس بطل الكسل الله يحفظك..

  19. ذكريات جميلة الله يسلمك 🙂

    الايام تمر بسرعة كبيرة وما نحس فيها !! , اكثر ما لفت انتباهي هو هذا الكلام …

    شكرا لك 😀

  20. فكيناه وركبناه في كرتونته من جديد

    كخخ
    ايه بقوة نرجع كل شي لمكانه بالكرتون من الفرحة


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: