متفرقات ،، متفرقات ،!

14أكتوبر08

عطفاً على ( لحظة لحظة ،، منين جات كلمة عطفاً ؟؟ ) ،، ايوه نكمل ،، عطفاً على تدوينة الست هذيان في الرابط أدناه أو أعلاه أو إياه أو أويلاه ،، قررت أستحي على عمري وأصور مشترياتي الدراسية لهذا العام ،، نعم نعم تفضل أكمل ،،

أقول مستعيناً بالله ،، هذه هي صور مشترياتي إلخ إلخ إلخ ،،

.

.

.

.

نوت بوك ( aka كشكول ) + أحسن قلم في العالم ،، هالقلم رافقني من أول ثانوي ومازال على وفائه ،، ( مب نفس القلم طبعاً ) ،، طبعاً أحطه في مخباي الجانبي لأنه ما يصلح للترزز ،، القلم خطه جميل جداً وملمسه ناعم ويذوب في اليد ،، أنصح به كل الطلاب والطالبات الأحياء منهم والرياضيات ،،

وخلصنا ،، باقي بس نشتري كتب المواد ،، الله يخلف على المدرسة ،، لكل مادة دفترين ،، واربط اللفة وعلى ظهرك ولّا ضمها لصدرك ،، أنا أيام الثانوية سحبت على شي اسمه دفتر واجب ،، ماغير دفتر الفصل للتلخيص وكان الله غفوراً رحيماً ،،

×||×||×||×||×||×||×||×||×||×||×||×||×||×||×||×

للآن ما خلصت من تضبيط الجدول ،، نسأل الله الإعانة ،،

×||×||×||×||×||×||×||×||×||×||×||×||×||×||×||×

خالي أمس جاته بنوتة ،، طبعن لازم أروح وأختمها بعلامة الجودة وأعض خدودها ،،

×||×||×||×||×||×||×||×||×||×||×||×||×||×||×||×

اشتقنا لك يا بو ميان ،، لك فقدة والله ،، ترجع لنا بالسلامة ،،

×||×||×||×||×||×||×||×||×||×||×||×||×||×||×||×

عندي خمس ألعاب للآن ما ختمتهم ،، كل يوم أبي ألعب شوي بس أتكيسل ( زول من حق وحقيق ،، ولا فيه أحد يتكيسل عن اللعب ؟؟ ) ،،

×||×||×||×||×||×||×||×||×||×||×||×||×||×||×||×

اقتناصة رهيبة ،،

×||×||×||×||×||×||×||×||×||×||×||×||×||×||×||×

وسلامتكم يا بعد حيي 8) ،،

.

Advertisements


22 Responses to “متفرقات ،، متفرقات ،!”

  1. لا كثرت ..!
    هههههههههههههههههههههه
    قلم واحد ودفتر ..!
    يوووه يالعيااال
    مدري كيف تذاكرون بدون ألوان
    تهقى هذا سر تفوق الطالبات دايم على الطلاب : P
    وووع القلم أذكره
    خطه عريض وخايس
    الله يوفقكم بالجداول
    ” شكرا ً شكرا ً ياربي على جدولي الجميل .. أحبك ياربي حبا ً جما ً ”

    ~~

    مبروك البنوتة لخالك .. تتربى بعزه يارب

    ~~

    منهو بو ميان : D ?

    ~~

    عندي فيلم قاعدة انطره من العصر يخلص تحميل .. اففف
    هاري بوتر الجزء السادس :$ وووهـ بس (L)

    ~~

    خطيييييييرة الصورة قسمن

    ~~

    من متى صاير شمالي وتقول يا بعد حيي 8)

  2. خخخخ الله يرجك.. أجل أويلاه ؟! 😀
    ياشينه ذا القلم! أذكر اذا شفته مع العيال أيام الثانوي تجيني تكة 😦

    نفس الحالة.. لم يتم تضبيط الجدول للحين 😦

    تسلم على هالتدوينة الخنفشارية الي فتحت نفسي لبقية اليوم 😀

  3. لوووووووول
    حمستوني آنت وهذيآن بس آخذ الكتآبـ وعلى طوول بنزل بوست
    بس ليه قلمـ وآحد ليش مآخذت آحمر << تموتـ فيهـ
    انا لازمـ لازمـ قلمـ آحمر جآف

    آما آلجدول فآحنا نآس في نعمهـ جدآولنآ جآهزهـ موبـ زيكمـ وآخذت الجدول روووعهـ

    ومبروكـ عليكمـ البنوته تتربى بعز خآلكـ 🙂

    آما الصورهـ شيء ثآني مرهـ حلوووووووووهـ

  4. اول شي : مااحب هالقلم ، خطه مو حلو 😦 ، بعدين وش هالدفتر ؟

    ثاني شي : مبروك ماجا لخالك ، وتتربى في عزه ودلاله ..

    ثالث شي : الله يوفقك وتجيب A+ في كل المواد 😀

  5. هذيان ،،

    شفتي شلون الاقتصاد في المأكل والمدرس مدري المشرب 😛 ،،
    شف عاد ،، وش جاب الألوان للتفوق ،، وبعدين من يقول أن البنات متفوقين على الأولاد 👿 ؟؟ أصلن لأنكم بنات مسهلين لكم المواد وحاطين لكم تدبير ومدري ايش 😛 ،،

    القلم حلو وصديقي وما أسمح لك تغلطين عليه 👿 ،، قال خايس قال :/ ،،

    شماتة بالجدول يعني 😦 ؟؟ الله ينصرني عليكم آمين 😦 (قلبها حرب 😛 ) ،،

    الله يبارك فيكِ ،، الفال لك لا تزوجتي وجبتي علة لهالدنيا 😛 ،،

    بو ميان هذا خالي العزيز ،، مسافر للدراسة ومشتاق له 😦 ،،

    الحين أتكلم عن ألعاب وتجيب لي سيرة فلم ؟؟ هالبنات يحبون يدخلون سوالفهم بكلشي 😛 ،،

    هذي سلوم الرجاجيل 8) ،،

    حياتس 😛 ،،
    =-=-=-=-=-=-=
    عبد الله ،،

    أي والله أويلاه 😀 ،،
    وبعدين شفيكم على القلم ،، تراه حبوب وما يعض 😦 ،،

    يعني بالهوا سوا 😦 ،، ربك يعين يا راجل ،،

    حياك يا شيخ 🙂 ،،
    =-=-=-=-=-=-=
    نص تفاحة ،،

    يالله ما يردك إلا الكاميرا 🙂 ،،
    أنا ما أعترف بقلم للسؤال وثاني للجواب ،، كلهم عندي سواسية 😀 ،،

    احمدوا ربكم على النعمة 😦 ،، الله يرزقنا ،،

    الله يبارك فيكِ ،، الفال لخالك 😀 ،،

    سعيد أن الصورة أعجبتك ،،

    نورتي بمرورك ،،
    =-=-=-=-=-=-=
    فوتون ،،

    أول شي : ليه كلكم ما تحبونه 😦 ؟؟ ترا هذا صقيقي 😦 ،، والدفتر لكتابة المحاضرات والشخبطة الجانبية 😛 ،،

    ثاني شي : الله يبارك فيكِ ،، كلك زوء 🙂 ،،

    ثالث شي : آمين ،، ولو انها حلم كل طالب جامعي 😀 ،،

    مرورك أسعدني ،،

  6. لا بالله كثرت 😛
    تعبت نفسك رحت المكتبه ><
    انا يوم رحت المكتبة طيحت عند كراسات الرسم واقلام الفحم والرصاص 😀
    بعدين استحيت على وجهي ورحت لدفاتر المحاضرات خخخخخ

    حتى انا هذا القلم مااحبه ,, احسه دفش وثقيل دم !

  7. الف مبروك ما جاكم، تتربى بعز اهلها ان شاءالله

    ( القلم خطه جميل جداً وملمسه ناعم ويذوب في اليد )
    حسيتها دعاية جالكسي 😆

    الله يعينكم على هالجداول :S ما ادري احسها شي مو منطقي، مدري ليه << متعوده ع المدارس 😀

    والصورة رهيبه بمعنى الكلمة !

  8. بس!!!!!!!!!!!!!!!!!!

    هذي كل شرواتك لدارسه ؟ من جد الاولاد تحوووفه تمشي على الأرض

    عشر مواد يختصرووونه بدفتر واحد ، فهمين الأقتصاد غلط بقوه .

    وبعدين حنا يالبنات يوم انه نحب نلون ونحط اشياء تفتح النفس ، ترى هذا يساعد كثير على تخفيف غثاثة بعض المواد 🙂 وش عرفكم انتم اصلاً بهالفنون

    على فكرة ترى هذا سبب صغيروووون من اسباب تفوقنا عليكم بمراحل 🙂

    بايو

  9. مبروك على خالك ولا تنسا تحط ختمي أنا بعد 🙂

    أنا أظن ان هالقلم مصيره الإنتحار بعد ما يشوفك تكتب في المدونة أكثر باستخدام الكيبورد
    وتتخلى عنه في نهاية عمره ^_^

  10. 10 عمر

    مبروك على خالك بس أي خال

    مشاالله عندك درزن خوال

  11. وش هالقلم الازرق يجيب الهم 😦 اتذكر هالقلم لما اكتب فية يتقطع ما يكتب متواصل 😦 ،، الله يخليك شيل الصورة الحين يجي احد يتبرع لك بقلم
    والله لو حاط قلم رصاص بو نص ريال احسن من هالقلم >> :d

    اووووه صح عبدالمجيد انا اسفة نسيت ان هذيان خلصت كل الاقلام اللى بالمملكة على شان كذا ماعندك قلم 😥 انا بعد بنزل لكم القلم حقي :d

    عام دراسي موفق >> انا بعد عندي قضية مع الجدول لم تنتهي غدا باذن الله راح نحل مشكلة فلسطين ..

    ومبروك ماجاكم تتربة بعزكم ان شاء الله 🙂 ..

  12. كيف حالك عبدالمجيد ؟؟
    ماأحلى النوته والقلم إلي معاك .. احس إنك متحمس لدراسة

  13. هذا القلم لسه ينباع ..!!!!!!

    قلم يذوب في اليد <<< والله الدنيا عجايب
    طيب مافيه قلم انت تذوب فيه

  14. ألوان رمادية ،،

    خوش والله ،، ساحبة على أغراض المدرسة ورايحة لشغل الرسم والخرابيط 😛 ،،
    لا ذي مب حالة ،، كلكم تكرهون هالقلم 😦 ؟؟ يعني بس أنا اللي أحبه 😥 ؟؟

    شكراً لمرورك ،،
    =-=-=-=-=-=-=
    حنان ،،

    الله يبارك فيكِ ،،
    شرايك بس ؟؟ أصلح في الدعاية والإعلان 😀 ؟؟
    المشكلة من نظام الجامعة العقيم ،، مشاكلهم مع الدكاترة ما تخلص :/
    سعيد أن الصورة أعجبتكِ ،،

    مرورك أسعدني ،،
    =-=-=-=-=-=-=
    سارونه ،،

    يس 😀 ،،
    والباقي كتب المناهج وخلصنا 😀 ،، وبعدين وش فيها فكرتي عن الاقتصاد 😐 ؟؟
    أنتوا تقلبون الدفاتر لوحات :s ،، يعني يروح الهدف الأساسي للدفتر :/ ،،

    للحين مصر أنكم مب متفوقين علينا ولا شي 😛 ،، هذي إشاعات بس 😀 ،،

    حياكِ ،،
    =-=-=-=-=-=-=
    عابر سبيل ،،

    الله يبارك فيك ،، ما جاتني الفرصة ،، إذا لقيت ثغرة بأعطيها ختم مضاعف :mrgreen: ،،
    بصراحة ما أتوقع ،، قدامي مواد يبيلها كتابة وكتابة 😐 ،،

    نورتني يا معلم ،،
    =-=-=-=-=-=-=
    عمر ،،

    خالي عبدالرحمن ،، وصل على النبي 😐 ،،
    مب درزن ،، نص درزن بس 🙂 ،،

    حياك ،،
    =-=-=-=-=-=-=
    مضيعة بيتهم ،،

    حرام عليكم 😦 ،، الحين الأزرق يجيب الهم 😦 ؟؟ أجل البني والأسود يوسعون الصدر 😀 ؟؟
    قلم رصاص :/ ،، حطمتيني صراحة 😦 ،،
    وبالتوفيق لك إن شاء الله ،، حلينا مشكلة الجدول ولله الحمد :] ،،
    الله يبارك فيكِ ،، الفال لخالك إن شاء الله 😛 ،،

    أسعدني مرورك ،،
    =-=-=-=-=-=-=
    اللغة اليابانية ،،

    طيب ولله الحمد ،، أخبارك أنت يا أستاذ ؟؟ وعن القطعات الله يهديك ؛) ،،
    أخيراً واحد يمدح في مشترياتي 😀 ،، أنت أحسن نفر 😀 ،،
    بصراحة تقدر تقول متحمس ،، بعكس المدرسة الجامعة فيها حرية وروحة وجية ،، أنا منبسط فيها بصراحة ،،

    نورتنا يا أستاذ ،،
    =-=-=-=-=-=-=
    حلمي معي ،،

    أي والله حتى أنا ما توقعت أني بلقاه 😛 ،،
    شفتي كيف التشبيه 🙂 ؟؟
    قلم أذوب فيه 😐 ؟؟ ليه أنا ملح ولا سكر :mrgreen: ؟؟

    شكراً لمرورك ،،

  15. أهمّ شيء (( تفتر كشكوول )) :mrgreen: دفتر كشكول

    خخخخخ أجل قلم واحد ! 😐 😐

    ياربّ تصير شاطر 🙂

    << تسمع بالدّعاء :mrgreen: 😐 😐

    بالتّوفيق ياباشا (F)

    نيلوفر

  16. القلم هذا ما فيه امل يدخل مزاجي ما ادري ليه ..

    طحت لك في قلم حلو .. من يوني بول يضغط من فوق لونين [ فضي/ اسود ] ..

    //

    كل جدول تصلحه وانت بخير !

    الصورة كوشخة .. اهنيك

    //
    تصدق ودي انزل صور لـ الكتب بتوعي ..
    بس تدري // انا ما قد جددتهم من 3 سنين ..
    اجل موهب لازم ننزلهم لكم

    موفقين يا حلوين

  17. nailover ،،

    تفتر 😐 ،، صايرة مثل شيباننا الله يحفظم :mrgreen: ،،
    شفتي الاقتصاد والتوفير ،، قلم يكفي سمسترين و أربع مواد 😛 ،،

    شكراً لمرورك العطر ،،
    =-=-=-=-=-=
    فوآح ،،

    ايه أصلن كل أقلام يونيبول تحف بس هذا الأزرق ملك 8) ،، وليخسأ الحاقدون 😀 ،،

    مب أنا الي مصورها يا حظي 😐 ،، لقيتها طايحة في النت على الأرض 😛 ،،

    أخس 😐 ،، أثرك شايب 😛 ،،

    حياك عزيزي ،،

  18. هلا اولا مبروكـ ماجاء الخالكـ ان شاء الله قرهـ عينه
    ومبروك بعد على القلم اللي الى الان مستمر معه هههههههه
    وصراحه تدووينه مبدعه دمتم كما تحب
    مع التحيه :

    نوف عاصم


  1. 1 مضيعة بيتهم » أرشيف المدونة » book & not book&pen ..!!
  2. 2 سوالف + 5 Amazing Physics ،! « مدونة عبد المجيد
  3. 3 Showed ،! « مدونة عبد المجيد
  4. 4 book & not book&pen ..!! « مدونة اللتان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: