كسل × كسل + البحث عن عمل ،!

15نوفمبر08

وش شعورك إذا قمت من سريرك الساعة 2:50 الصباح ورحت شغلت السيارة وخذت لك مشوار إلى باسكن ودقيت ميلك شيك على كيف كيف كيفك07؟؟ << هنا انتهى السؤال18،،

بالنسبة لي حسيت اني حرامي02،، أطلع آخر الليول وبهالبرد ( الله يديمه07) وأشتري لي عسكريم بالحليب07،،


يم يم لذيييييييذ07،، طبعن كله كاكاو من فوق لتحت07،، ثلاث أنواع من الكاكاو بس نسيت أساميهمsmily face،، كل مرة أختار كاكاو وأغير التشكيلة ( حسيت أني مدرب كورةblb6) ،،

خلو عنكم والله اشتقت للمدونة02،، أحس لي أسبوع ما دوّنت02( أكثر ،، ثلطعشر يوم يالظالم02) ،، الكسل وما أدراكم ما الكسل02،، حتى أنا وما أدراني ما الكسل18،، المهم ،، خلونا من الهم والغم ونجي للأخبار الحلوةsmily face،،

ـــــــــــــــــــــــــــــــــــــــــــــــــــــــــــــــــــــــــــــ

أول كويزين هالترم دخلتهم على وشي زي ما يقولون ( على وجهي في رواية أخرىsmily face) ،، لكن الحمد لله ضامن العشرات ،، ما شاء الله علي دافورsmily face،، اذكرو الله بس لا أنتكس بسبتكم حسبي الله عليكم02( صدّقblb6) ،،

ـــــــــــــــــــــــــــــــــــــــــــــــــــــــــــــــــــــــــــــ

حالياً قاعد أدور وظيفة منا ومناك ،، الي عنده الله لا يهينه يخليها له18( هاه ظنيتوني بطلب منكمsmily face؟؟ نياهاهاهاblb6) ،،

لقيت وظيفة ،، ما أحس أني بتأقلم معاها ،، هي من نوع التنسيق والمتابعة والترتيب والاتصال ،، أشياء ما أحبها بطبيعتي ،، لكن في طور التجربة لمدة شهر ،، إن عرفت أمسك الوضع خير وبركة ( مع أنه ما ودي02) ،، وإن ما عرفت ففيه وظيفة ثانية تنتظرني بإذن اللهsmily face،، تصميم وفوتوشوب وحركاتsmily face،،

ـــــــــــــــــــــــــــــــــــــــــــــــــــــــــــــــــــــــــــــ

واحد معاي بالكلاس ( مب اسمه راشد أبدنsmily face) ينام في المحاضرات الصباحية ما يقارب الثلاثين مرة في المحاضرة الواحدة02،، ينام ويقوم وهكذا ،، بغيت أعدهم يوم من الأيام وعجزت02،، القهر أنه ولا مرة انتبه له دكتور02،، مغير قبل يومين واحد صحاه ،، جيت أنا وتحمست ونمت أول نومة بمحاضرة في هالترم18،، ايه حلال عليه حرام علي02؟؟ ( مخblb6) ،،

ـــــــــــــــــــــــــــــــــــــــــــــــــــــــــــــــــــــــــــــ

هالتدوينة لها ثلاث أيام مب راضية تطلع02،، عنوان التدوينة معبّر02،،

ـــــــــــــــــــــــــــــــــــــــــــــــــــــــــــــــــــــــــــــ

صورة قبل ما تمشونsmily face،،

ـــــــــــــــــــــــــــــــــــــــــــــــــــــــــــــــــــــــــــــ

و بس 8) ،،


Advertisements


28 Responses to “كسل × كسل + البحث عن عمل ،!”

  1. آآآآآآآآآآه يالقهر
    متى مابغيت شغلت السياره ومشيت ,, سجع 😛
    واحنا خلف الله علينا 😦

    والوظيفه ,, رح للتصميم أشرح 😛

    والنوم بالمحاضرات ,,
    انا مستحيل اسويها بس من التعب ذاك اليوم
    حطيت راسي ورحـــت خخخخ
    شوي الا اخترع فجأه واخرع صديقتي خخخخ
    اشواا ماصرخت والا كاان علوووم 🙂

  2. 2 O T B

    ههههههههههههه
    قسم بالله فقعت ضحك على اللي مهب اسمه راشد 😀
    وش له بالشقى والنوم بالمحاضرات.. إذا وده ينام يروح للبيت أريح وأحفظ لماء الموجة.. بمرة يآخذ له زفة من الدكتور ما تسوى عليه.. 😀

    وأنت الثاني مستانس إنك نمت بالمحاضرة..؟!
    راحوا طلاب العلم.. 😛

    ومبرك عليك الوظيفة.. وعقبال الزوزة الزالحة :d
    وبالتوفيق لك بكل الكويزات..(L)

    وبعدين ثنتين ونص صباحاً..؟!
    تصدق إنها عندنا تصير فجراً :d
    يمكن فارق التوقيت.. :d

    ولا عاد تأخر علينا بالتدوينات.. ولا تنس تجيب لنا معك ميلك شيك في المرة الجاية.. :d

    يووووه نسيت.. البزر اللي بآخر شيء ودك تفتح عليه المويه الباردة.. وتخليه يتجمد :d

  3. لا تنام !!! عيب عيب 😮
    وبعدين كلك عصقول … ورا ما تسمن من هالشيء اللي تاكله 😦 ؟؟؟ اسمن اسمن

    وشد حيلك بالوظيفة P:

  4. 4 sh0o0q

    يــم يمي .. الله يهديك ماتعرف الا تحمط العالم 🙂 ..هني وعافيه

    والله يوفقك

    وبلا نووم في وسط المحاضرات .. 🙂

  5. {..السلام عليكم و رحمه الله و بركاته

    ….

    أهلين عبدالمجيد عبدالله أووة سوري نسيت عبدالمجيد و بس !! هع هع

    كيف حالك عساك طيب ؟؟

    ههههههههههههههههههههههههههههههههههههههههه

    خخخخخخخخخخخخخخخخخخخخخخخخخخخخ

    هعهعهعهعهعهعهعهعهعهعهعهعهعهعهعهع

    –> البنت استخفت و مب عارفه كيف تضحك ><” أووة صح مبروك لعودتك بتدوين لا تبطي عليـنا هع..

    بمناسبه هذا الطفل مين أنت ؟؟
    خخخخخخخخخخخخخخخخخخخخخخخخخ

    شكله تحـفه @_@” ربي يخليه لأهله يا رب !!

    نشوفك على خير..

    ….

    دمـت بخيـر..}

  6. 6 anoooj

    {..السلام عليكم و رحمه الله و بركاته

    ….

    أهلين عبدالمجيد عبدالله أووة سوري نسيت عبدالمجيد و بس !! هع هع

    كيف حالك عساك طيب ؟؟

    ههههههههههههههههههههههههههههههههههههههههه

    خخخخخخخخخخخخخخخخخخخخخخخخخخخخ

    هعهعهعهعهعهعهعهعهعهعهعهعهعهعهعهع

    –> البنت استخفت و مب عارفه كيف تضحك >> معليـش ثاني مرة أرد لأن نص ردي طـااار ><“..

    ….

    دمـت بخيـر..}

  7. 7 anoooj

    {..السلام عليكم و رحمه الله و بركاته

    ….

    أهلين عبدالمجيد عبدالله أووة..

    سوري نسيت عبدالمجيد و بس !! هع هع

    كيف حالك عساك طيب ؟؟

    هههههههههههههههههههههههههه

    خخخخخخخخخخخخخخ هعهعهعهعهعهعهعهعهعهعهع

    –> البنت استخفت و مب عارفه كيف تضحك >> معليـش ثالث مرة أرد لأن نص ردي طـااار ><“..

    ….

    دمـت بخيـر..}

  8. خخخخخخخ وش سالفتك مع ذا الرد الناقص 😀 ؟؟
    الأول وش فيه ؟؟ مب كامل ؟؟

  9. اهبببببببببب حظك 😐
    صادقة أول رد
    متى ما بغيت .. شغلت السيارة ومشيت 😦
    الله يخلف علينا
    نشتهي مليون مرة مليون شي ومعطينا طاااااااااف :””””(

  10. وش فيها الأيسكريم بالشتاء ؟!!

    لعلمك جيدوووو
    أزين شي صحياً أكله في الشتاء بس مب أيسكريم الثلج والألوان الأيسكريم الطبيعي …

  11. ميلك شيك هالوقت !! .. والله وانا اختك يحقلك .. (مابعطيك عين ترا):D
    حلو الشغل والله .. أهنيك عليه ..
    وماعليك من هالكسلانين الي ينامون وقت المحاضره .. بكره هم الي ماراح يعرفون يحلّون ..(دايما اقولها لبناتي) :p
    الله يوفقك ..

  12. 12 عمر

    هيا هيا ألى النوم في المدارس أما الجامعات تحت التنفيذ
    أنشا الله

  13. 13 anoooj

    بااااااك هعهع هعهع

    والله اسفه ياوخيي يبي لي ارسل لك ردي بالوورد ><“..

    مع إني تعبانه برد..

    سلاااام..

  14. 14 o T h M a N

    ربنا يوفقك يامجودي بوظيفة تخدمك وتخدمها…….تخدمها “صح لساني”

  15. دام الميلك شيك خلاك تدون أنا مستعد أوفرلك تشكيلة كل اسبوع، مع ضمان الفوز بالدوري أو التقاط صورة جماعية خخ

    أقول خل عنك الكسل، وكما يقول الشعر

    رب وظيفة تحصل منها راتب
    الراتب تصرفه آخر الشهر بشيك
    خير من القعدة في البيت لو كاتب
    وقهوة العمل أحسن من الميلك شيك

    أقول وش اخبارك ؟

  16. خخخخخخخخخ باسكن وآخر الليل وش هالمزاج ياعبود ،،
    أقول على فكرة وش صار بالمكافآت حقت الطلاب زادوها أو لأ ؟؟

  17. ورى ما جبت لنا عسكريم في هالتدوينة هه
    والله ..وأنا أختك زين في هالأيام !
    بس مو كأن البرد وقف <<احكي عن جو الرياض !

    اممممم
    الكسالى ..ابعد عنهم ولا تصادقهم ابدن ابدن !
    تحياتي لك .!
    وربي يوفقك بالوظيفة .. اللي تحبها 🙂

  18. الساعة 2.30 فاتح عندكم باسكن ؟

    حتى 2 يسكر الدبي 😦 !

  19. ألوان رمادية ،،

    لا تخافين ،، كلها كم سنة وتسوقون ونبلش فيكم 😦 ،،
    “نحمد الله جات على ما نتمنى” 😛 ،،

    زين ما انفضحتي 😀 ،، ربنا ستر عليكِ ،،

    نورتي المدونة ،،
    =-=-=-=-=-=-=
    عوتيبي ،،

    لا يبن الحلال ،، الرجال مرة دكتور قال له خلك واقف ،، الرجال رقد وهو واقف 😐 ،،
    موب بيده نسأل الله العافية ،،
    وانت شعليك مني ياخي ؟؟ ترى الدوافير هم الي يرقدون وقت المحاضرات 😛 ،،

    آمين يا رب ،، الفال لك يا زول 😐 ،،

    أما عاد ؟؟ عندكم فجراً ؟؟ يمكن احنا الساعة ثنتين عندنا متأخرة عنكم 😛 ،،

    رح اشتر لنفسك يا دب :S ،، لا يكون تبيني أحطه في فمك بعد :S ؟؟

    خخخخ يالشرير ،، وش عليك منه خله يستانس :/ ،،

    ألف تحية ،،
    =-=-=-=-=-=-=
    Xeonash ،،

    أي عيب يبن الحلال ؟؟ هذا من أساليب التفوق عندنا 😀 ،،
    ما كلنا شي الله يخلف 😦 ،، وش أسوي بعمري أنا 😥 ،،
    أبشر يا عم 😉 ،،

    حياك يا أستاذ ،،
    =-=-=-=-=-=-=
    sh0o0q ،،

    عاد بكيفكم ،، روحو اشترو دبرو عمركم 8) ،،

    تسلمين ،،

    يصير خير ،، يمكن لا رقدت تسع 🙂 ،،

    شكراً لمرورك ،،
    =-=-=-=-=-=-=
    ANJLEIN أو anoooj ما فرقت 😛 ،،

    وعليكم السلام ورحمة الله ،،

    بسم الله عليكِ !! وش هالضحك ؟؟ أخاف الحروف علقت بس 😛 ،،

    وأنا وش يدريني منهو 😐 ،، لقيته بالنت وحطيته 😛 ،،

    وانتي بخير ،،
    =-=-=-=-=-=-=
    قرنبيطة :mrgreen: ،،

    وش حظ يامال القرنبيط :S ،، طيب أنتو كارفينا بالمشاوير ولا نقول شي ،، من حقنا أننا ننحاش منكم ونطلع على كيفنا 😦 ،،

    تستاهلون ،، لأنكم ما تعرفون تجون بأسلوب :@ ،،

    أسعدني مرورك ،،
    =-=-=-=-=-=-=
    بدر الشايع ،،

    صح عليك ،، هذا الكلام الصح يا أستاذ 😀 ،،
    ايه أنا عارف معلومة شرب البارد بالشتاء ،، ونفس الشي شرب الحار بالصيف ،،

    نورتنا يا عم ،،
    =-=-=-=-=-=-=
    فوتون ،،

    كفو والله ،، هذا الناس الي تشجع وتحمس الواحد يسويها مرة ثانية 😀 ،،
    هذي بنت وما قالت ليه تطلع على كيفك زي بعض الناس 😐 ،،

    الله يعين إن شاء الله ،، أهم شي الأخلاق 🙂 ،،

    عاد هالآدمي بالذات معدله خمسة من أول ما دخل الجامعة 😐 ،، ما شاء الله عليه دافور ،، بس الله بلاه بهالنوم ،،

    مرورك أسعدني ،،
    =-=-=-=-=-=-=
    عمر ،،

    أقول وش رايك تروح تدخل دورة إملاء 😐 ؟؟ رح ارقد وراك ثانوية 8) ،،

    حياك ،،
    =-=-=-=-=-=-=
    العم عصمان ،،

    تخدمني ،، صح بدنك 🙂 ،،

    تحياتي ،،
    =-=-=-=-=-=-=
    عابر سبيل ،،

    خخخخخ رهيب ،، خلاص أرسل لي شيك بالمبلغ ولك علي أدون كل يوم مرتين 😛 ،،

    ما شاء الله عليك أثرك شاعر ؟؟ ورى ما تدخل شارع مدري شاعر المليون ؟؟ والنص بالنص 😛 ،،

    لك ألف تحية ،،
    =-=-=-=-=-=-=
    اللغة اليابانية ،،

    شفت المزاج كيف ؟؟ وبعدين أنا مجود مب عبود 😦 ،،
    طلعت إشاعة حسبي الله على الي طلعها 😦 ،،

    شاكر لك مرورك ،،
    =-=-=-=-=-=-=
    غصون ،،

    وأنا مكفل فيكم 😐 ؟؟ ما تكفي فلوسي يا بنت الحلال ولا كان حطيت لكم ذبيحة بكل تدوينة << يسمع بالكرم 😛 ،،
    زين جداً ولذييييييذ 8) ،،

    البرد عندنا ماشي للآن ،، يمكن الي عندكم تعب ووقف 😀 << بايخة 😛 ،،

    الرجال الأول على الدفعة للآن 😐 ،، لكن هذي نقطة ضعفه ،،
    آمين يا رب ،،

    ممنون لمرورك ،،
    =-=-=-=-=-=-=
    بروئي ،،

    ايه ،، سألته قال لي الثلاثاء والأربعاء يفتحون لين الساعة ثلاث ،،
    وباقي الأيام لين ثنتين ،، مب متأكد من الي فوق ،، اسألهم ،،

    شرفتنا ،،

  20. وش لك بالشغل في هالوقت :/
    لهذي الدرجة الدراسة مو شاغلتك (&) ؟

    عاد هالايام النهار صاير قصييير ><”
    ما يمديك ترجع من الدوام وتحط راسك إلا هو مأذن المغرب -_-

    بالتوفيق اخوي عبدالمجيد ^.^
    عزام

  21. اما سالفة الكسل صدق يبي لها حل ياشيخ..مهب لحالك يابعدي مادري هي من تغير الجو ولا من وش بس تلقاك جالس لا شغل ولا مشغله بس ماودك تسوي شي تصدق اتكيسل اشوف لي فلم ولا مسلسل..:D

    الملك شيك تبي نصيحتي جربه بالستروبري وخله يحط لك معه قطع الفراوله والله بتدعي لي هي طبقات او اصناف مختلفه بس مثلك نسيت اسمها..:d

    الوظيفة يمدحون نقل المعلمات ولا بنات الجامعة للملز وخذ من كل وحده 500 ريال بس دبر لك محرم ودوامهم غالبًا ثلاث ايام<<هذا نظامه..:d

    ياخي وشلون تنامون بالقاعة كراسيهم مهيب مريحة ابد..الحين وانا اجلس اتعب وشلون لو بنام..):

  22. آسف يامجوووووووود وحقك علينا .. 🙂

  23. آشتهيت الميلك شيك
    عليك بالعافيه

  24. عادي اجواء الشتاء تجيب الكسل 😀
    بالعافية على قلبك 🙂

    الصورة تجنن ! ضحكته من قلب 😀

    الصور اللي تختارها معبرة .. من وين 😉 ؟

  25. بحث قوقل ( والله من زين الاسم 😕 ) ،،

    أهم شي الأخلاق 😛 ،، الشغل علشان لا تخرجت وجيت أدور وظيفة يكون عندي خبرة ،،
    خل الدراسة على جنب ،، أصلن التخصص الي بدخله ما فيه وظايف واجد 😛 ،،

    صدقت والله 😦 ،، ذبحني هالدوام ،، شكلي بستقيل 😐 ،،

    حياك عزيزي ،،
    =-=-=-=-=-=
    Deeno ،،

    لا هذي من الجينات والدم 😛 ،، هذي من طبعي الله ياخذه من طبع 😦 ،،

    لا أنا راعي كاكاو ومخلص للشوكولاتة مدى الحياة 😀 ،،

    ايه علشان نسمع بكرة خبر في الجرايد انقلاب باص معلمات لا سمح الله 😦 ،،

    صدقت والله ،، أول بالمدرسة حط راسك عالطاولة وارقد ،، الحين الطاولة عند يدك ما يمديك تنام عدل 😦 ،، عاد مضطرين ننام باللي هو << مصمم على النوم 😛 ،،

    نورتنا عزيزي ،،
    =-=-=-=-=-=
    أستاذ حسن ،،

    لا أبدن ماحصلش حاجة 🙂 ،،

    شرفتنا ،،
    =-=-=-=-=-=
    نص تفاحة ،،

    روحي اشتري 😀 ،،

    الله يعافيكِ ،، شكراً لمرورك ،،
    =-=-=-=-=-=
    حنان ،،

    بقوة 🙂 ،،
    الله يعافيكِ ،، تامرين على توصيلة 😀 ؟؟

    أحس انه برداااااان :؟ ،،
    من النت الله يسلمه 😀 ،، من إضافة StumpleUpon ،، تعطيكِ عشوائيات مختارة من النت ،، خطيرة ،،

    مروركِ أسعدني ،،

  26. عندنا و عندك خيـــر

    بيصيرلي شهر مانزلت تدوينة ;\

    اما بالنسبة للنوم بالمحاضرات .. اسويها مراات لوول .. اكون لابسة نظارة شمسية و انام من تحتها و مادرى عني الدكتور خخخ

    و عليك بالعافية عالباسكن .. شوقتني.. يبيله
    🙂

  27. بصرآحة مدونة تشرح الصدر مآشآءالله ..

    بعدين ليش التعذيب بآسكن و حركشتآت ومو أي بآسكن .. كمآن بالشوكولآ ..

    ليآ شهرين اترجآ اخويآ يوديني ولآحيآة لمن تنآدي .. ><

    بعدين ماشاءالله ابغى اعرف كيف تجيكم الشجآعة و تنآموا بالمحآضرآت .. ؟!

    بحيآتي مآسويتهآ .. <<— من زود الدفرة قولوآ مآشآءالله .. P:

  28. 28 Amal

    غريبة فاتح لين الساعة 2:50 بالفجر !!!


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: