100 أخيراً + معرض الكتاب ،!

10مارس09

التدوينة رقم مئة ،، كنت أتساءل بعد آخر تدوينة عن إذا كنت وصلت أو تعديت المئة ،، وبالمصادفة اكتفشت ( مقصودةsmily face) أنني وصلت للـ99 تدوينة خلال سنة وقليل ،،

ما حبيت أفرد لها موضوع خاص لأن ماعندي كلام أقوله ولا ودي أسألكم وش تطلعاتكم للمدونة أو وش تبون فيها لأنها تحت تصرف مخي أناblb6( خوش معاملة للزوارblb6) ،،

كل 100 تدوينة وأنا أفضل ،، وأنتم كذلك 8) ،،

|||||||||||||||||||||||||||||

طيب خلونا من الفصيح لأنه يعور أصابعي وعيونيsmily face،، نجي لسالفة معرض الكتاب ،،

رحت الخميس الماضي المعرض بقطار الساعة 2 ،، مشينا شوي ولا تجيني رسالة من النكبة “زين” انه تم فصل الخدمة عن جوالي لعدم سداد الفاتورة02،، طيب صبرتوا علي يا جماعة الخير ،، حتى أسبوع ما مر على الفاتورة02( على ما أذكرsmily face) ،، والمشكلة اتصلت عليهم يقولون ماعندهم رسايل كول مي ولا عندهم إرجاع الخدمة مؤقتاً02،، يا اني حبيت ربعنا الاتصالات بقوة ذاك الوقت02،، وصلت الرياض الساعة 5 وتسلفت جوال شرطة المحطة علشان أدق على صقيقي النكبة الي المفروض يمرني المحطة02،، لكن لا حياة لمن تدق عليه ،، الرجال نايم وفي ستين نومة02،، أخذت تاكسي وقلت له يوصلني معرض الكتاب ،، وأخينا في الله من حبايبنا البدو وداني معرض الصقور للطائرات الحربية ومدري ايش18،، لكن تداركنا الموقف واتصل على خويه ووصف له مكان المعرض ووصلنا بسلام ،،

دخلت المعرض الرهيب صراحة ،، نص ساعة إلا وأنا ضايع18،، وللأسف المعرض  الي حضرته قبل سنتين كان أفضل في تصنيف وترتيب دور النشر ،، تدور الكتاب في الكمبيوتر تاخذ اسم الدار او المكتبة وعندك بروشور فيه أرقام الدور بالترتيب ،، خلال دقايق يمديك تلقاها وحتى لو كان المعرض كبير زي هالسنة ،، لكن هالسنة للأسف ما لقيت سالفة الأرقام ولا البروشور02،، فقلت مالي الا التمشي وانتقاء الكتب على الهوى ،، المشكلة الأماكن الي تمر عليها ما تمر على غيرها ولا أدري ليه18،، بعد ساعة أو ساعة ونص من التمشي وتكسير الأرجل شريت خلالها كتابَي ” غرفة خلفية “ و” ظلالهم لا تتبعهم “ لهديل الحضيف رحمها الله من دار وهج الحياة ،، وقابلت الأخ جهاد العمار والأخ رائد السعيد الي قاعد يدور كرسيه الي على ما يبدو انزرف18،، قعدت عندهم دقيقة ومشيت ،، بعد هالساعة أو الساعة ونص تسلفت جوال أحد مسؤولي قسم تقنية المعلومات بالمعرض علشان أتصل على خوينا في الله لعل وعسى يصحى من النوم وينقذني02،، نسيت أقول اني تسلفت بعد جوال راعي التكسي جزاه الله خير18،، وطبعاً ما رد علي وقتها02،، يوم اتصلت عليه من المعرض حدثت المعجزة ورد والله الحمد18،، نص ساعة تقريباً وإلا هو في المعرض ،، فرفرنا شوي في المعرض وطلعنا بعدها والباقي ما يخصكمblb6،،

الحمد لله كانت رحلة حلوة وتوسعة للصدر قبل ما نخش في العميق في الدراسةsmily face،، طلعت من المعرض بكتابَي هديل وبمجموعتَي قصص للواء الركن محمود شيت خطاب ” عدالة السماء “ و ” تدابير القدر “ وهي مجموعة قصص واقعية عايشها اللواء بنفسه أو بعض منها ،، المجموعات قديمة وبعض القصص فيها قريتها في كتب ثانية من قبل ،، لكن لأول مرة أقرأ المجموعة الأصلية ،، وهي قديمة جداً ،، من خمسين سنة تقريباً ،، لكنها بطبعة جديدة ،، لكن أسلوب اللواء رائع والقصص فيها عِبَر جميلة جداً وأحداثها عجيبة ،، حتى أنك لا تكاد تصدق أنها حقيقية ،، وبالإضافة لهذه الكتب اشتريت مجلد للشيخ علي الطنطاوي رحمه الله بعنوان ” من حديث النفس “ ،، ما قريته للآن لكن أي كتاب عليه اسم الشيخ فلازم شراءه ،، للأسف كان معروض مجموعة مجلدات للشيخ بسعر مخفض بس ما بغيت أشتريها لأني خفت انها تضايقني وأنا اتجول في المعرض ،، احتمال أرجع يوم الأربعاء إن شاء الله وأشتريها إن كانت موجودة وإذا حالفني الحظ ولقيت دار النشر وسط هالصحراء المليانة18،،

هووف ،، لأول مرة أكتب تدوينة بهذا الطول02،، لكن حبيت أفضفض وأكتب عن زيارتي ،، يمكن يستفيد أحد ،، وإذا ما استفاد أحد أهم شي أنا استفدتblb6،،

ايه صح ،، بصراحة مالكم داعي يا أمانة الرياض02،، كرهت الرياض كره العمى ذاك اليوم ،، أجل أطلع من الفندق الساعة 2 الليل عطشان أبي هولستن مافيه بقالة مفتوحة02؟؟ بالله عليكم هذا فعل فيني وأنا ضيف عليكم والمفروض إكرام الضيف02؟؟ ( انقلع بسblb6كأنهم دروا عنك أنت ووجهكblb6) ،، لا بجد القرار هذا حق تقفيل المحلات عقب 12 قرار ماله داعي بصراحة02،، والمشكلة الكاريكاتيرات في الجرايد كل يوم أشوفها تتطنز على القرار ولكن يبدو أنه مافي فايدة ،، مرة ثانية بشتري الهولستن قبل 12 وأحطه في ثلاجة الغرفة وأسهر على كيفيblb6،،

C Ya 8) ،،

،!

Advertisements


32 Responses to “100 أخيراً + معرض الكتاب ،!”

  1. 1 Abdulrhman

    1300 رد ؟ واااااااال 😛
    ياليتني رايح المعرض بس في الرياض ياهي حوسة ، ولورحت بانتكب هناك ، ما في احد يحوس بي و يوصلني ( الله لايرزقني بواحد مثل صديقك لول ) .

  2. كنت جاي طاير بأقول لك جاي الرياض ولا تكلم لكن عذرتك يوم انفصل جوالك !

    بس ولو جاي الرياض ولا تكلم :@

  3. لول، لا عاد تروح الرياض مرة ثانية أجل

  4. مبروك المئة تدوينة وعقبال المليون 🙂 ..

    أتمنى زيارة معرض الكتاب لو أتيحت في الفرصة ..

  5. مبرووك مليون ..
    سوري ! من الفرحة 🙂

    مليون مبرووك ..

    نتمنى لكم التوفيق …

    ماجد
    مدونة لعيون لين
    http://www.majedlife.com

  6. مبروك الـ100 تدوينه، وعقبالي 😀

    معارض الكتاب وناسه، بس امشي واشتري، شهيتني اروح جرير.

  7. الهوليستون وع 😦
    ميرندا برتدان وبس 8)

    أبي أركب قطار زي هاري بوتر 😦 😦
    بكم القطار تذكرته ؟ ومن وين يركبونه الناس ؟
    ووين يودي ؟

    أسأل بجد 😦 ترى

  8. 8 Id

    ههههههههههههههههههههههه

    ههههههههههههههههههههههههههههههه

    هههههههههههههههههههههه

    مجودي صقيقي العزيز أسف :$

    رحت للمعرض ثلاث أيام ثانية مع الشباب و جداً اسمتعت بالمعروض فيه .. أتفق معك في سالفة توزيع المعرض ..

    بس المبنى الجديد رهيب و كبير ويبشر بمستقبل رائع للمعارض بالرياض ..

    كنت مرة مبسوط بشوفتك يا صقيقي .. و أسف على السحبه <<< فضح نفسه 😦

    Jaz القطار يأخذك من الدمام للأحساء للقطيف الى الرياض … بـ90 ريال بس 🙂

  9. عبد الرحمن ،،

    صل على النبي يا واد 😛 ،،
    ترى كلها تكسي من المحطة لين المعرض وإذا خلصت ارجع للمحطة وامش للحسا وريح راسك ولا له داعي مشاوير 😀 ،،

    حياك ،،
    =-=-=-=-=-=
    ذا دب ،،

    أحم ،، وش أخبارك انت بس 😛 ؟؟
    معليه والله ماحبيت أزعجك 😦 وثاني شي كنت أبي آخذ راحتي 😀 ،،

    نورتنا ،،
    =-=-=-=-=-=
    Xeonash ،،

    أنت على قيد الحياة 😐 ؟؟ وينك يا رجل 😦 ؟؟
    مرة ثانية لا رحت الرياض بسدد فاتورتي قبل 😛 ،،

    ممنون لمرورك ،،
    =-=-=-=-=-=
    مكتوم ،،

    الله يبارك فيك علاء ،، الفال لك 🙂 ،،
    إن شاء الله تسنح لك الفرصة قريباً ،، أو بعيداً في السنة الجاية 😀 ،،

    مرورك أسعدني ،،
    =-=-=-=-=-=
    ماجد ،،

    الله يبارك فيك مليار 🙂 ،،
    شكراً يا عزيزي ،،

    نورت المدونة ،،
    =-=-=-=-=-=
    Ahmad ،،

    الله يبارك فيك ،، وعقبال الألف إن الله أحيانا 😀 ،،
    اي والله صدقت ،، الواحد يبيله يدخل بخمسمية عالأقل علشان يبرد قلبه 😕 ،،

    شرفتنا ،،
    =-=-=-=-=-=
    قاز ،،

    الهولستن ماء الحياة 8) ،،
    القطار يا بنت الناس من الدمام إلى الرياض زي ما قال ثامر ،، بتسعين ريال روحة ورجعة ،، وإذا كنتي طالبة جامعية تعطينهم بطاقتك أو ورقة تخفيض من الجامعة ويخصمون لك نص القيمة 8) ،،
    بعدين تعالي ،، ما عمرك ركبتي قطارنا 😯 ؟؟

    نورتِ ،،
    =-=-=-=-=-=
    ثامر ،،

    أنا مخاصمك 😦 بس سامحتك يوم شفت القبع الي على راسك الفلة 😀 ،،
    يالله بجيكم بكرة فاضي ❓ ؟؟

    أسعدني مرورك ،،

  10. مبرووك عليــك الــ100 ..وعســآكـ في إستمرار 🙂

    امااا عااد على النكبــه من زيــن إنكسر خاطري عليك ^^ ..بس عدت على خير

    يلا تسلى لك في الكتبــ .. قراءه موفقه وممتعه لك 🙂

  11. مبرووك الـ 100 يا أستاذنا ..

    عقبال المليون حبيبي ألبي 🙂 ..

  12. مبروووك الـ100 وعقبال الـ100,000 😀
    كله كوم وحركة زين كوم 😐

    ما عندهم نظام الشحن مثل الاتصالات؟ عشان الأوقات هذي يعني 😛
    والا لازم تسدد ؟

  13. ماعمري ركبت قطار 😦

    يعني فيه من الدمام
    وبما إني طالبة يعني روحة وجية بـ 45 ريال
    حلوو 🙂

    طيب شكثر المشوار بين الرياض والدمام بالقطار ؟ كم ساعة ؟ ما تزيد عن الـ 3 اللي حكيت عنهم ؟
    وهل فيه بلع بالقطار > > 🙂

  14. 14 o T h M a N

    أقلك
    تذكرني بولد أختي ، ممتحني بالروايات ياأخي ماشريت حاجة في التخصص…
    س
    م
    ع
    الله
    لمن
    حمده

  15. كتبت رد قبل أمس، وبعدين أمس، وكلهم ما طلعوا، وش القصة؟

    المهم أنا مصر أبارك لك المئة وأقول عقبال المليون 🙂 ..

  16. شوق ،،

    الله يبارك فيكِ ،،
    حلاة السفرات بمهالمواقف والنكبات :mrgreen: مع ان ما ودي أكررها 😐 ،،
    شكراً ^^ ،،

    نورتِ ،،
    =-=-=-=-=
    مكتوم 2 ،،

    الله يبارك فيك يا دافنشينا 😀 ،،
    وعقبال الترليون ( قوية 😛 ) عقبال الألف لك إن شاء الله حبيبي ،،

    شرفتنا مرة ثانية ^^ ،،
    =-=-=-=-=
    Hanan ،،

    آمين يا رب ،، شكراً لكِ : ) ،،
    شفتي كيف النكبة 😦 ؟؟ المفروض هذي خدمات أساسية بما أنها موجودة عند المنافسين :/ ،،
    لازم أسدد طبعاً ،، وما أقدر إلا من الصراف الي عندي بطاقته :/ ،،

    حياكِ ،،
    =-=-=-=-=
    قاز ،،

    انتي متأكدة انك تعيشين في الشرقية 😐 ؟؟
    المشوار من الحسا للرياض 3 ساعات ،، يعني تقريبا من الدمام أربع ساعات ،،
    فيه مطعم بالقطار يا مال التخمة 😕 ،،

    شرفتي ،،
    =-=-=-=-=
    عصمان بيه ،،

    عساه فالح مثلي بس 😛 ؟؟
    ربنا ولك الحمد ،،

    منور ،،
    =-=-=-=-=
    مكتوم 3 😀 ،،

    شكل المدونة حاقدة عليك ،، حتى ردودك زمان كانت تحجبها 😐 ،،
    تسلم والله يا باشا ،، كلك زوء : ) ،،

    حياك ،،

  17. الله ..ياحظظظظظك رحت المعرض 😦
    بس رحله ..أليمة ..
    يعني الجوال حاجه مهمه .. بصراحه ..
    بس اهم شي انبسطت وغيّرت جو ..
    بالعافيه على دماغك هالكتب :p

  18. ايه صح ..
    مبروك المئوية ..وعقبال الألفية 😀

  19. فوتون ،،

    أليمة وبس ،، إلا كرهتني في الرياض 😛 ،،
    بس خلاص تعلمت ،، مرة ثانية بجيب معاي ثلاث شرايح جوال احتياطاً 😀 ،،
    الله يعافيكِ ويبارك فيكِ ^^ ،،

    مرورك أسعدني ،،

  20. 20 عبدالعزيز

    حبيبي عبدو المفروض انك تبيع جوالك علشااان تشتري فيه شريحه خخخ خيرها بغيرها

  21. مبروك الميه 😀
    وبصراحه عطش اخر الليل فكرني بأيامي في الرياض :d بس ايام حلوه
    متى يصير عندنا معرض كتاب : ( .. معرض كتاتيب انا راضي

  22. 22 reema0

    هههههههههههههههههههههههههههههههههههههههه
    الله يعينك …. معرض الكتاب كان عندي نيه اروح له كل سنه اقول بروح واسحب
    بس قالوا لي صديقاتي انه مو كويس وزحمه ومافيه شي قلت خلاص وشوله …
    وبالنسبى للقرار حق تقفيل المحلات .. 😦 والله ينرحمون تخيل ان 3 بقالات مزروفه بشارع الحي حقنا في الرياض علشان كذا طلع هالقرار لان السرقات كثرت مره في الرياض … 🙂

  23. ع البركه الشسمه 😀

    بس يا انك قرقة ما شاء الله عليك الله لا يضركـ 😛

    اجل تقول 100 بسنة ما شاء الله 😀

    بس مقللللع ذا اللي وداك لمعرض الصقور 😛

    يلا يا سعادة البيه عقبال الـ مليار تدوينه 😀

    وكل شسمه و انت ذاك الشي و شكرا 😎

  24. خالو عبد العزيز ،،

    شف التفكير كيف 😐 المفروض أبيع الجوال وأشتري بيجر 😛 ،،

    حياك يا خال ،،
    =-=-=-=-=-=
    زياد ،،

    الله يبارك فيك 8) ،،
    ياعمي الرياض ما فيها زود ،، حتى عرعر بتصير احسن منها لأن ما فيها حظر تجول مدري حظر بيع 😛 ،،
    وبعدين هذا البحرين يمك فيها أحسن معرض كتاب ،، طب وتخير 🙂 ،،

    نورتنا يا بوطارق ،،
    =-=-=-=-=-=
    reema0 ،،

    لا والله كويس ومافيه ذيك الزحمة الي تضايق ،،
    وعن المحلات هذا مب حل ،، بدال ما يزيدون الشرطة يسكرون المحلات 😛 ?? سلاماات 😀 ،،

    شرفتينا ،،
    =-=-=-=-=-=
    سوبر أسمو (الله يستر :P) ،،

    الله يبارك فيكِ ،،
    لحظة … أنا قرقة 😐 ؟؟ روحي بس روحي 😀 ،، غيري وصل الأربعمية والخمسمية وذي متروعة من مية 😀 ،،
    ما أتوقع بوصل مليار إلا إذا ورثت المدونة لعيالي 😛 ،،

    نورتِ ،،

  25. :

    عادي إحمد ربك إنك وصلت المعرض
    غيرك سمع عنه بس 😀

  26. يعني خلاص قفلت عندك على الــ100 وما راح تحط أي شي جديد هههه

    وينك يا معلم

  27. نفس الكلام أعلاه..

  28. عقبال 1000 تدوينه

  29. 29 άηģεℓό ~

    أولا / مبروك وصلوك لـ 100 ض2 (F)
    عقبال ما تقول لك المدونة ضف وجهك ما عاد أستحمل الضفط > برا ض3 !
    ثانياً / شُكراً لأنك كأنك تقول لي لا تحولين لـ زين و خصوصاً إني مب راعية كول ميات أبد ,
    ثالثاً / إستمتعنا بالتاكسي و المرمطة حقت الجوال و كل كل شيء .,
    شُكراً لك ..,

  30. عقبال المليون يا غالي

  31. اولا ماشاء الله مبروكـ على الميه بوست على اني قديمه 🙂

    والحين يمكن وصلت 110 << احلفي

    المهم ان عقبالي ان شاء الله واذا ممكن ترد بتدوينه او شي وشو رايكـ في كتاب تدابير القدر وقلي وشو رايكـ 🙂 🙂
    تحياتي

  32. اين الكتب


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: